Körfubolti

Haukur Helgi meiddur og Almar kallaður inn í hópinn

Ágúst Orri Arnarson skrifar
Almar í leik með íslenska unglingalandsliðinu.
Almar í leik með íslenska unglingalandsliðinu. FIBA.basketball

Haukur Helgi Pálsson er meiddur og hefur dregið sig úr íslenska landsliðshópnum sem fer á Evrópumótið í körfubolta. Almar Orri Atlason kemur inn í hans stað.

Hópurinn var tilkynntur í gær og þar var Haukur einn af tólf leikmönnum, en Almar hafði dottið út úr þrettán manna hópnum sem fór í æfingaferðina til Portúgal.

Haukur Helgi missir af EM vegna meiðsla. Vísir/Hulda Margrét

Almar hefur nú verið kallaður aftur inn í hópinn og missti væntanlega ekki af meira en einni eða tveimur æfingum. Hann er uppalinn KR-ingur og þykir einn efnilegasti körfuboltamaður landsins, rétt rúmlega tvítugur og mun spila með Miami University í bandaríska háskólaboltanum.

Landsliðið heldur utan næsta fimmtudaginn, til Vilnius í Litáen. Þar spila strákarnir okkar við heimamenn á föstudag, í síðasta æfingaleik fyrir Evrópumótið.

Í kjölfarið verður haldið til Katowice í Póllandi þar sem allir fimm leikir Íslands í riðlakeppni mótsins fara fram. Fyrsti leikur er við Ísrael fimmtudaginn 28. ágúst.

Landslið karla í körfubolta

Tengdar fréttir

Almar Orri til Miami háskólans

Íslenski unglingalandsliðsmaðurinn Almar Orri Atlason er búinn að finna sér skóla fyrir næsta tímabil í bandaríska háskólakörfuboltanum.

Mest lesið


Fleiri fréttir

Sjá meira


×

Mest lesið