Trump segir Pútín hafa komið sér á ó­vart

Bandaríkjaforseti mun síðan sjálfur hitta Mark Rutte framkvæmdastjóra Nato í Hvíta húsinu í Washington þar sem Úkraína verður einnig til umræðu. Tónninn í Trump gagnvart Úkraínu og Vladimír Pútín Rússlandsforseta hefur breyst nokkuð síðustu daga. 

„Pútín hefur komið öllum á óvart. Hann lofar öllu fögru og svo gerir svo loftárásir um kvöldið. Það er smá vandamál í gangi þarna og ég kann ekki við það,“ sagði Trump við blaðamenn í gærkvöldi.

Í síðustu viku gerðu Rússar sínar umfangsmestu árásir á Úkraínu til þessa og í síðasta mánuði létust fleiri Úkraínumenn í loftárásum Rússa á einum mánuði en síðustu þrjú árin þar á undan.

Trump lýsti því svo yfir að hann muni auka við hernaðarstuðning Úkraínumanna og senda þeim búnað á borð við Patriot loftvarnakerfi og fleiri hátæknivopn.

Forsetinn tók þó fram að Bandaríkjamenn muni fá vopnastuðninginn að fullu endurgreiddann og að Evrópusambandið muni borga brúsann.