Sætta sig ekki við höfnun Kviku

Stjórnarformanni og forstjóra Kviku banka hf. barst eftir lokun markaða í gær uppfærð erindi frá Arion banka hf. og Íslandsbanka hf. þar sem félögin ítrekuðu ósk um samrunaviðræður, segir í kauphallartilkynningu sem Kvika sendi út klukkan 22.15 í gær.

Þar segir enn fremur að stjórn Kviku taki bæði erindi til umræðu og ákveða næstu skref af hálfu bankans. Nánar verði upplýst um framvindu þegar ástæða er til og í samræmi við lögbundna upplýsingaskyldu bankans.

Í lok maí óskaði stjórn Íslandsbanka eftir því við stjórn Kviku banka að hafnar yrðu samrunaviðræður milli félaganna tveggja. Stjórn Arion banka óskaði einnig eftir samrunaviðræðum milli við Kviku.

Kvika sagði nei, hvorugt til­boð þótti nægi­lega gott en jafnframt virðist hvorugur bankinn ætla að sætta sig við höfnunina.