Körfubolti

Buss fjöl­skyldan selur Los Angeles Lakers fyrir metupphæð

Óskar Ófeigur Jónsson skrifar
Jerry Buss eignaðist Los Angeles Lakers árið 1979 og gerði félagið að stórveldi. Hann byrjaði meðal annars með klappstýrur á leikjum liðsins sem fylgdu honum þegar hann fékk stjörnu á götunni Hollywood Blvd í Los Angeles.
Jerry Buss eignaðist Los Angeles Lakers árið 1979 og gerði félagið að stórveldi. Hann byrjaði meðal annars með klappstýrur á leikjum liðsins sem fylgdu honum þegar hann fékk stjörnu á götunni Hollywood Blvd í Los Angeles. Getty/Michael Tran

NBA körfuboltafélagið Los Angeles Lakers verður fljótlega ekki lengur í eigu Buss fjölskyldunnar en fjölskyldufaðirinn Jerry Buss gerði félagið að stórveldi á níunda áratugnum.

Jerry Buss, sem lést árið 2013, eignaðist Lakers árið 1979 en börn hans, aðallega dóttirin Jeanie Buss, hafa rekið félagið eftir andlát hans.

ESPN segir að fjölskyldan ætli sér að selja félagið til Mark Walter og sá ætlar að borga metuppæð fyrir.

Lakers kostar Walter tíu milljarða dollara eða 1250 milljarða króna. Aldrei áður hefur íþróttafélag kostað hærri upphæð.

Walter er hluti af fjárfestingahópi Todd Boehly sem keypti Chelsea.

Buss fjölskyldan mun samt ekki selja öll bréfin sín í Lakers heldur halda eftir fimmtán prósent hluta.

NBA

Mest lesið


Fleiri fréttir

Sjá meira


×

Mest lesið