Pála ráðin kynningar­full­trúi BHM

„Pála Hallgrímsdóttur hefur víðtæka reynslu úr fjölmiðlageiranum, almannatengslum og upplýsingamiðlun, bæði innan opinberrar stjórnsýslu og í félagasamtökum,“ kemur fram í tilkynningu BHM.

Auk þess að hafa starfað hjá Veðurstofu Íslands hefur Pála starfað sem verkefnisstjóri hjá Norræna félaginu og Snorrasjóði. Þar sá hún um skipulag, fjármál og kynningarmál á alþjóðavettvangi. Þá hefur hún einnig starfað hjá fréttastofu RÚV sem dagskrárgerðarkona.

Pála er með meistaragráðu í alþjóðasamskiptum frá Háskóla Íslands og Stokkhólmsháskóla og B.A. gráðu í stjórnmálafræði frá Háskóla Íslands.