Vill sjá upp­lýsinga­spjald um kjörna full­trúa í ráð­húsinu

Þetta kemur fram í tillögu Magneu Gnár sem lögð var fyrir forsætisnefnd borgarstjórn í síðustu viku, en málinu var þar frestað.

Borgarfulltrúinn segir upplýsingaspjaldið einnig geta nýst sem fræðsluefni í heimsóknum grunnskóla í Ráðhúsið, þar sem starfsemi borgarstjórnar sé kynnt fyrir börnum og unglingum. Leggur Magnea til að byrjað verði með kjörtímabilið 2022 til 2026 og að spjaldið verði komið upp haustið 2025.

Í sérstakri greinargerð með tillögunni kemur fram að upplýsingaspjöld um kjörna fulltrúa megi sjá í ráðhúsum erlendis. Á Alþingi Íslendinga séu einnig til sýnis myndir og nöfn þingmanna sem setið hafa á þjóðþingi Íslendinga í gegnum tíðina.

„Slík framsetning hefur bæði fræðslugildi og sögulegt mikilvægi, þar sem hún endurspeglar þróun samfélagsins og fjölbreytileika kjörinna fulltrúa yfir tíma. Við gerð upplýsingaspjaldsins í Ráðhúsi Reykjavíkur væri hægt að styðjast við þessi fyrirmyndardæmi og laga þau að aðstæðum borgarinnar. Þá væri hægt að halda áfram að setja upp slík spjöld til framtíðar.

Ekki er gert ráð fyrir að tillagan hafi í för með sér verulegan kostnað, þar sem um er að ræða einfalt upplag af prentuðu plakati með myndum og nöfnum kjörinna fulltrúa, ásamt kaupum á ramma til að setja það upp á viðeigandi stað í Ráðhúsinu,“ segir í greinargerðinni.