Innlent

Sóttu veikan mann í rúss­neskan togara

Jón Ísak Ragnarsson skrifar
Þyrla Landhelgisgæslunnar.
Þyrla Landhelgisgæslunnar. Vísir/Vilhelm

Þyrla Landhelgisgæslunnar var kölluð til aðstoðar vegna veikinda um borð í rússneskum togara sem var á veiðum við Reykjaneshrygg rétt fyrir utan 200 sjómílna fiskveiðilögsögu Íslands.

Ásgeir Erlendsson, upplýsingafulltrúi Landhelgisgæslunnar, segir í samtali við fréttastofu að alltaf þegar farið er í svona langan leiðangur krefjist það mikillar skipulagningar.

Skipverjar hafi verið beðnir um að halda í átt að landi, og bæði þyrlan og eftirlitsflugvélin TF-SIF hafi verið send af stað.

„Eftirlitsflugvélin flaug á undan. Það er gert þegar hífingarnar fara fram svona langt frá landi, þá fer flugvélin á undan til að kanna aðstæður.“

„Hífingin gekk vel og maðurinn var fluttur á sjúkrahús í Reykjavík.“

Landhelgisgæslan

Mest lesið


Fleiri fréttir

Sjá meira


×

Mest lesið