„Sviðið sem við viljum vera á“

„Þetta var mjög skemmtilegur leikur þar sem hvorugt liðið náði að slíta sig frá hinu. Það voru bæði lið að reyna að komast á run og taka leikinn til sín en hvorugu liðinu tókst það. Ég er bara virkilega ánægður með að við höfum verið sterkari aðilinn á lokaandartöknum,“ sagði Þórir sem skoraði 10 stig í leiknum, tók sjö fráköst og gaf 10 stoðsendingar á samherja sína. 

„Við fengum framlag úr öllum áttum í þessum leik og Nimrod og Þorvaldur Orri drógu vanginn. Nimrod sýndi hvers hann er megnugur þegar við þurftum mest á því að halda. Þetta er töffari sem setur stóru skotin. Svo komu þeir sem komu inn af bekknum allir með eitthvað að borðinum,“ sagði hann enn fremur. 

KR-ingar urðu síðast bikarmeistarar árið 2017 en liðið er það sigursælast í sögu keppninnar. Eftir öldudal síðustu árin en Þórir ángæður með að KR sé aftur komið á stóra sviðið í körfuboltasenunni. 

„Þetta var stóra sviðið sem við viljum vera á. KR-ingar vilja alltaf berast um þá titla sem í boði eru og nú erum við komnir skrefi nær því að landa þessum bikarmeistaratitili. Ég er himinlifandi með það og get ekki beðið eftir laugardeginum. 

Við fengum frábæran stuðning úr stúkunni í kvöld og ég er alveg klár á því að það verður stórkostleg stemming í stúkunni hjá KR-ingum á laugardaginn kemur. Við ætlum að gera allt sem í okkar valdi stendur til þess að koma með bikarinn í Vesturbæginn,“ sagði þessi borni og barnfæddi KR-ingur.