Hver skiptir svo til nýjum Audi E-tron út fyrir sjö ára gamlan jeppa?

 „Ég heyrði einhverja ræðu um að það væri verið að gleyma Anthony Davis, vanmeta hann all hressilega í þessum skiptum. Fyrir mér snúast þessi leikmannaskipti ekki um Anthony Davis. Þau snúast um Luka Doncic,“ sagði Kjartan Atli Kjartansson umsjónarmaður þáttarins og ákvað að koma með samlíkingu máli sínu til stuðnings.

„Luka er glænýr Audi E-tron. Eins árs gamall. Þú tókst hann úr kassanum í fyrra. Anthony Davis er geggjaður amerískur sjö ára jeppi með öllum fídusunum. En hann er samt sjö eða átta ára. Það þarf að fara laga sjálfsskiptinguna, hann eyðir miklu og svona.“

Umræðuna um skiptin sem og fleira tengt öllu því helsta í NBA deildinni í körfubolta má sjá í Lögmál leiksins í kvöld klukkan átta á Stöð 2 Sport 2.