Innlent

Óvissustig vegna hugsan­legrar snjó­flóða­hættu

Jón Þór Stefánsson skrifar
Myndin er úr safni
Myndin er úr safni Vísir/Jóhann K

Veðurstofa Íslands lýsir yfir óvissustigi vegna hugsanlegrar snjóflóðahættu á sunnanverðum Vestfjörðum. Óvissustigið tók gildi klukkan fjögur í dag.

Á Facebook-síðu Lögreglunnar á Vestfjörðum er bent á að hvassviðri, hlýindum og rigningu sé spáð næstu klukkustundir og daga.

„Í slíku veðri getur skapast hætta á krapaflóðum og/eða snjóflóðum. Þessi hætta virðist vera meiri á Sunnanverðum Vestfjörðum en einnig yfir vegum sem liggja í bröttum hlíðum, eins og Raknadalshlíð, Súðavíkur og Kirkjubólshlíð.“

Lögreglan hvetur íbúa og vegfarendur til þess að vera undir það búin ef gripið verði til ráðstafana, líkt og lokunnar eða rýminga.

Snjóflóð á Íslandi Almannavarnir

Mest lesið


Fleiri fréttir

Sjá meira


×

Mest lesið