Féllst á að greiða tugi milljóna vegna áramótaíkveikju á Akranesi Árni Sæberg skrifar 18. desember 2024 08:48 Björgvin framdi íkveikjuna á Akranesi. Vísir/Vilhelm Björgvin Ó. Melsteð Ásgeirsson hefur verið dæmdur til tveggja ára skilorðsbundinnar fangelsisvistar fyrir að kveikja í skemmtistaðnum Útgerðinni á Akranesi á gamlárskvöld árið 2023. Þá hefur honum verið gert að greiða tæplega 43 milljónir króna í skaðabætur. Í dómi Héraðsdóms Vesturlands, sem kveðinn var upp í gær, segir að Björgvin hafi verið ákærður fyrir brennu, með því að hafa að kvöldi 31. desember 2023, brotið rúðu í glugga veitingastaðarins og hellt bensíni inn um gluggann og lagt þar eld að þannig að eldur blossaði upp. Með athæfi sínu hafi hann valdið eldsvoða sem hafði í för með sér almannahættu og augljósa hættu á yfirgripsmiklu eignatjóni á húsnæði veitingastaðarins, en slökkvilið hafi ráðið niðurlögum eldsins. Björgvin hafi fyrir dómi játað brot sín skýlaust og játningin hafi verið studd sakargögnum. Því hafi dómur verið lagður á málið án frekari sönnunarfærslu. Vildu frekar að fólk fordæmdi verknaðinn en Björgvin Greint var frá því í byrjun síðasta árs að maður hefði við yfirheyrslur játað að hafa lagt eld að Útgerðinni. Ljóst er að þar var Björgvin á ferð. Í færslu á Facebook-síðu Útgerðarinnar sagði á sínum tíma að um leið og forsvarsmenn staðarins þökkuðu fyrir hringingar, skilaboð, heimsóknir og boð um aðstoð þá væri fólk beðið um fordæma frekar verknaðinn en þann sem stóð að íkveikjunni. „Öll höfum við gert eitthvað sem við sjáum eftir, mismikið þó og öll eigum við aðstandendur sem standa okkur að baki. Við heyrum reiði í mörgum, sér í lagi að kippa staðnum af okkur á þessum tíma. En áramótin fóru fram, allir skemmtu sér og nú er komið nýtt ár, ný tækifæri og megi þetta ár einkennast af hamingju og gleði fyrir okkur ÖLL,“ sagði í færslunni. Sættir sig við nokkuð feitan reikning Í dóminum segir að fyrir hönd Sjóvár hafi verið gerð einkaréttarkrafa upp á 14,8 milljónir króna í skaðabætur og fyrir Ásborgar-bars ehf. og V80 slf. hafi verið gerð sameiginleg krafa upp 28 milljónir króna í skaðabætur. Við rekstur málsins hafi lögmaður síðarnefndra félaganna tveggja upplýst um að V80 slf. væri með réttu eigandi og réttur handhafi þeirrar skaðabótakröfu sem félögin hefðu gert í málinu. Björgvin hafi fyrir dómi fallist á allar lýstar bótakröfur. Olli miklu tjóni Í kafla dómsins um ákvörðun refsingar segir að augljóst sé af ögnum málsins að háttsemi Björgvins hafi verið til þess fallin að valda miklu fjárhagstjóni, eða hættu á yfirgripsmikilli eyðingu á eignum annarra manna, eins og það sé orðað í ákvæði almennra hegningarlaga um íkveikju, og sú hafi enda orðið raunin. Þótt svo virðist sem að enginn hafi verið í bráðri hættu vegna þessa verði ekki annað séð en að Björgvin hafi látið sér það í léttu rúmi liggja. Í ákvæðinu segir að fangelsisrefsing skuli ekki vera lægri en tvö ár, hafi sá, sem kveikti í, séð fram á, að mönnum mundi vera af því bersýnilegur lífsháski búinn eða eldsvoðinn mundi hafa í för með sér augljósa hættu á yfirgripsmikilli eyðingu á eignum annarra manna. Með vísan til þess væri Björgvin dæmdur til tveggja ára fangelsisvistar en þó þætti rétt, eftir atvikum málsins, að skilorðsbinda refsinguna til tveggja ára. Loks var Björgvin dæmdur til að greiða þóknun skipaðs verjanda síns, 900 þúsund krónur, og 845 þúsund krónur í annan sakarkostnað. Akranes Dómsmál Slökkvilið Veitingastaðir Mest lesið Ekki séð neitt þessu líkt á sínum fjörutíu ára ferli Innlent Málafjöldi tvöfaldast milli ára: „Hálfur milljarður farinn nú þegar“ Innlent Er við góða líkamlega heilsu en heilinn að „bregðast honum“ Erlent Málverk stolið af nasistum fannst í argentískri fasteignaauglýsingu Erlent Minntust þess ekki að hafa brennt tösku fyrir Stefán Blackburn Innlent 50 prósenta tollar á indverskar vörur taka gildi í Bandaríkjunum Erlent Sakar eftirlitsaðila um að framfylgja ekki leigubílalögum Innlent Gríðarstór sandstormur olli usla í Arizona Erlent Segir dóminn áfellisdóm yfir seinagangi lögreglu í kynferðisbrotamálum Innlent Játaði Hamraborgarmálið, grunaður í hraðbankamálinu og vitni í Gufunesmálinu Innlent Fleiri fréttir Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjá meira
Í dómi Héraðsdóms Vesturlands, sem kveðinn var upp í gær, segir að Björgvin hafi verið ákærður fyrir brennu, með því að hafa að kvöldi 31. desember 2023, brotið rúðu í glugga veitingastaðarins og hellt bensíni inn um gluggann og lagt þar eld að þannig að eldur blossaði upp. Með athæfi sínu hafi hann valdið eldsvoða sem hafði í för með sér almannahættu og augljósa hættu á yfirgripsmiklu eignatjóni á húsnæði veitingastaðarins, en slökkvilið hafi ráðið niðurlögum eldsins. Björgvin hafi fyrir dómi játað brot sín skýlaust og játningin hafi verið studd sakargögnum. Því hafi dómur verið lagður á málið án frekari sönnunarfærslu. Vildu frekar að fólk fordæmdi verknaðinn en Björgvin Greint var frá því í byrjun síðasta árs að maður hefði við yfirheyrslur játað að hafa lagt eld að Útgerðinni. Ljóst er að þar var Björgvin á ferð. Í færslu á Facebook-síðu Útgerðarinnar sagði á sínum tíma að um leið og forsvarsmenn staðarins þökkuðu fyrir hringingar, skilaboð, heimsóknir og boð um aðstoð þá væri fólk beðið um fordæma frekar verknaðinn en þann sem stóð að íkveikjunni. „Öll höfum við gert eitthvað sem við sjáum eftir, mismikið þó og öll eigum við aðstandendur sem standa okkur að baki. Við heyrum reiði í mörgum, sér í lagi að kippa staðnum af okkur á þessum tíma. En áramótin fóru fram, allir skemmtu sér og nú er komið nýtt ár, ný tækifæri og megi þetta ár einkennast af hamingju og gleði fyrir okkur ÖLL,“ sagði í færslunni. Sættir sig við nokkuð feitan reikning Í dóminum segir að fyrir hönd Sjóvár hafi verið gerð einkaréttarkrafa upp á 14,8 milljónir króna í skaðabætur og fyrir Ásborgar-bars ehf. og V80 slf. hafi verið gerð sameiginleg krafa upp 28 milljónir króna í skaðabætur. Við rekstur málsins hafi lögmaður síðarnefndra félaganna tveggja upplýst um að V80 slf. væri með réttu eigandi og réttur handhafi þeirrar skaðabótakröfu sem félögin hefðu gert í málinu. Björgvin hafi fyrir dómi fallist á allar lýstar bótakröfur. Olli miklu tjóni Í kafla dómsins um ákvörðun refsingar segir að augljóst sé af ögnum málsins að háttsemi Björgvins hafi verið til þess fallin að valda miklu fjárhagstjóni, eða hættu á yfirgripsmikilli eyðingu á eignum annarra manna, eins og það sé orðað í ákvæði almennra hegningarlaga um íkveikju, og sú hafi enda orðið raunin. Þótt svo virðist sem að enginn hafi verið í bráðri hættu vegna þessa verði ekki annað séð en að Björgvin hafi látið sér það í léttu rúmi liggja. Í ákvæðinu segir að fangelsisrefsing skuli ekki vera lægri en tvö ár, hafi sá, sem kveikti í, séð fram á, að mönnum mundi vera af því bersýnilegur lífsháski búinn eða eldsvoðinn mundi hafa í för með sér augljósa hættu á yfirgripsmikilli eyðingu á eignum annarra manna. Með vísan til þess væri Björgvin dæmdur til tveggja ára fangelsisvistar en þó þætti rétt, eftir atvikum málsins, að skilorðsbinda refsinguna til tveggja ára. Loks var Björgvin dæmdur til að greiða þóknun skipaðs verjanda síns, 900 þúsund krónur, og 845 þúsund krónur í annan sakarkostnað.
Akranes Dómsmál Slökkvilið Veitingastaðir Mest lesið Ekki séð neitt þessu líkt á sínum fjörutíu ára ferli Innlent Málafjöldi tvöfaldast milli ára: „Hálfur milljarður farinn nú þegar“ Innlent Er við góða líkamlega heilsu en heilinn að „bregðast honum“ Erlent Málverk stolið af nasistum fannst í argentískri fasteignaauglýsingu Erlent Minntust þess ekki að hafa brennt tösku fyrir Stefán Blackburn Innlent 50 prósenta tollar á indverskar vörur taka gildi í Bandaríkjunum Erlent Sakar eftirlitsaðila um að framfylgja ekki leigubílalögum Innlent Gríðarstór sandstormur olli usla í Arizona Erlent Segir dóminn áfellisdóm yfir seinagangi lögreglu í kynferðisbrotamálum Innlent Játaði Hamraborgarmálið, grunaður í hraðbankamálinu og vitni í Gufunesmálinu Innlent Fleiri fréttir Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjá meira