Körfubolti

Jordan-treyja seldist á 642 milljónir króna

Ingvi Þór Sæmundsson skrifar
Allur varningur tengdur Michael Jordan selst á fúlgur fjár.
Allur varningur tengdur Michael Jordan selst á fúlgur fjár. getty/Jonathan Daniel

Chicago Bulls-treyja sem Michael Jordan notaði á tímabilinu 1996-97 seldist fyrir 4,68 milljónir dollara, eða 642 milljónir íslenskra króna, á uppboði Sotheby's.

Þetta er fjórða dýrasta NBA-treyja allra tíma. Sú dýrasta er Jordan-treyja frá síðasta tímabili hans með Bulls, næstdýrasta er treyja Kobes Bryant frá 2007-08, þegar hann var valinn mikilvægasti leikmaður tímabils, og sú þriðja er treyja Wilts Chamberlain frá 1971-72.

Jordan-treyjan sem seldist á dögunum hafði verið í einkaeigu frá því hún var seld frá Bulls. Jordan notaði hana sautján sinnum tímabilið 1996-97.

Bulls varð NBA-meistari í fimmta sinn tímabilið 1996-97. Jordan var valinn verðmætasti leikmaður tímabilsins. Hann var þá með 29,6 stig, 5,9 fráköst og 4,3 stoðsendingar að meðaltali í leik.

Alls seldust minjagripir tengdir Jordan fyrir átta og hálfa milljón dollara á uppboðinu. Það samsvarar 1,1 milljarði íslenskra króna.

NBA

Mest lesið


Fleiri fréttir

Sjá meira


×

Mest lesið