Erlent

Flug­stjórinn lést í miðri flug­ferð

Bjarki Sigurðsson skrifar
Vélin var á leið frá Seattle til Istanbúl.
Vélin var á leið frá Seattle til Istanbúl. Getty/Massimo Insabato

Flugvél Turkish Airlines á leið til Istanbúl í Tyrklandi frá Seattle lenti í New York eftir að flugstjórinn lést í háloftunum. 

CNN greinir frá þessu en flugstjórinn, İlçehin Pehlivan, var 59 ára þegar hann lést. Hann missti meðvitund á meðan flogið var yfir Norður-Ameríku og þegar endurlífgunartilraunir báru ekki árangur um borð ákvað flugmaður vélarinnar að lenda henni í New York. 

Í tilkynningu frá Turkish Airlines sendir flugfélagið samúðarkveðjur á fjölskyldu, samstarfsmenn og aðra aðstandendur Pehlivan. 

Pehlivan fór síðast í heilsufarsskoðun í mars og benti þá ekkert til þess að hann glímdi við nein vandamál sem hindruðu hann frá því að geta flogið. 

Fréttir af flugi Tyrkland Bandaríkin

Mest lesið


Fleiri fréttir

Sjá meira


×

Mest lesið