Hart er sótt að Hamarsdal Stefán Skafti Steinólfsson skrifar 8. júlí 2024 09:30 Góðir lesendur það hefur verið áhugavert að fylgjast með umsagnarferli í samráðsgátt stjórnvalda, er varðar afgreiðslu verkefnastjórnar 5 áfanga rammaáætlunar á fyrirhuguðum virkjanaáformum í Hamarsdal í fyrrum Djúpavogshreppi. Þar leggur verkefnastjórn til að svæðið fari í verndarflokk þar sem það á sannarlega heima. Í umsögnum kristallast það að náttúruvernd á Íslandi er í skötulíki. Sveitarstjórnir í Múlaþingi,Fjarðarbyggð og jafnvel Hafnar í Hornafirði leggjast gegn vernd dalsins þó rök verkefnastjórnar rammaáætlunar séu mjög sterk. Það eru vonbrigði að sjá hve náttúruvernd vigtar lítið innan stjórnsýslunnar . Mörgum finnst skorta á hugsun um náttúruvernd,enda eru náttúruverndarnefndir faldar innan skipulagsnefnda og alltof sjaldan minnst á náttúruvernd eða friðlýsingar. Náttúruvernd hvorki fugl né fiskur í stjórnsýslunni. Þó er einn stærsti vaxtarbroddur austurlands ferðaþjónusta. Það er sannað með könnunum að ferðamenn sækjast eftir að skoða lítt snortna náttúru. Sjálfboðaliðasamtök sem bera hag náttúru landsins mega sín lítils gegn fjársterkum aðilum Svo virðist sem erlend fyrirtæki hafi beinan aðgang að sveitarstjórnum í nafni orkuskifta með fulltingi íslenskra undanfara. Síðan koma hersingar af verkfræði og lögfræðistofum sem keyptar eru til að skrifa þverhandarþykkar skýrslur um ágæti verkefnanna,að bjarga heimamönnum Loftslagsvandinn er orðinn að risastóru beitarhólfi þar sem erfitt er skilja kjarnann frá hisminu. Bæði Arctic Hydro og CIP/Fjarðaorka leggja allt í sölurnar til að krækja í Hamarsdal. Mikil er hugulsemi þessara erlendu fyrirtækja að þeir hika ekki við að eyðileggja fallegan dal í nafni orkuskifta. Orkuskifti fyrir hverja ? Í útvarpsfréttum fyrir skemmstu mátti heyra formann bæjarráðs Fjarðabyggðar lýsa vonbrigðum með afgreiðslu verkefnastjórnar sem er þó vel rökstudd. Eftir stórkostlegt inngrip Kárahnjúkavirkjunar og þau sár sem aldrei gróa,var náttúru austurlands heitið griðum. Hverjar eru efndirnar ? Hversvegna beita sveitarstjórnir og forsvarsmenn Fjarðaorku sér ekki að glatvarmanum í túnfætinum í stað þess að ráðast að fögrum dal í nágrannasveitarfélagi. Vill meirihlutinn í Fjarðarbyggð og Múlaþingi gína yfir Sviðinhornahrauni líka ? Hvenær liggur fyrir að fanga glatvarmann frá álveri Alcoa og fiskimjölsverksmiðjum svæðisins ? Hversvegna kaupa fiskimjölsverksmiðjurnar skerðanlega orku ? Að mörgu er að hyggja og hví skyldi náttúran ekki njóta vafans ? Á austurlandi er raforkuframleiðsla með því mesta sem þekkist,um 135 MW st/íbúa. Ekkert réttlætir það að ryðjast inn á ný svæði til frekari raforkuframleiðslu. Tengingar Kárahnúkavirkjunar við deifikerfið er mun árangursríkara atriði fyrir íbúa svæðisins. Sé skortur á rafmagni er það minni skaði að keyra díselrafstöðvar á álagspunktum heldur en að valda landsspjöllum. Grænþvottur má ekki valda óafturkræfum skemmdum á landi. Hvorki er mikið atvinnuleysi né skortur á öflugu atvinnulífi í fjórðungnum. Frekar snúa vandamálin að því að manna þau fyrirtæki sem eru til staðar. Mikilvægast er að dreifa raforkunni af skynsemi og ljúka þrífösun landsbyggðar strax. Rarik á heiður skilinn við lagningu jarðstrengja og þrífösun landsins en það er fjárskorti að kenna um að lagning jarðstrengja er gloppótt og alltof seinvirk. Pólitisk ákvörðun. Það rímar við fjársvelti innviða í vegagerð og heilbrigðiskerfi. Allir landsmenn ættu að sitja við sama borð með þriggja fasa rafmagn og jöfnun kostnaðar til húshitunar. Fyrr geta engin orkuskifti hafist,svo ekki sé minnst á að tryggja heimilum landsins forgang á rafmagni á lágu verði.Ég skora á kjörna fulltrúa að vera tryggir sinni fósturjörð og gleypa ekki fagurgala stórfyrirtækja í blindni. Óbyggð víðerni njóta sérstakrar verndar samkvæmt náttúruverndarlögum. Fyrirhuguð virkjun myndi raska votlendi,stöðuvötnum og tjörnum samkvæmt 61. grein náttúruverndarlaga. Sviðinhornahraun er einstakt víðerni sem ber að vernda. Ísland býr yfir fágætum víðernum í Evrópu. Að eyðileggja ósnortna náttúru,fossaraðir og gróður ásamt því að reisa 50 metra háar stiflur er umhverfishryðjuverk í fallegum dal. Verkefnisstjórn 5 áfanga rammaáætlunar ber að þakka góð og fagleg vinnubrögð að vísa svæðinu í verndarflokk. Áratuga umsátri um Hamarsdal er tímabært að ljúka með friðlýsingu fyrir virkjanaáformum á komandi misserum. Höfundur er félagi í Náttaust og ættaður úr Hamardal. Viltu birta grein á Vísi? Sendu okkur póst. Senda grein Múlaþing Fjarðabyggð Sveitarfélagið Hornafjörður Mest lesið Lægjum öldurnar Halla Hrund Logadóttir Skoðun Að hata einhvern sem þú þarft á að halda? Katrín Pétursdóttir Skoðun SFS, Exit og norska leiðin þeirra Jón Kaldal Skoðun Friður - í framsöguhætti eða viðtengingarhætti? Bryndís Schram Skoðun Mega bara íslenskir karlmenn nauðga konum á Íslandi? Guðný S. Bjarnadóttir Skoðun Frans páfi kvaddur eða meðtekinn? Bjarni Karlsson Skoðun Íslenskar pyndingar Guðmundur Ingi Þóroddsson Skoðun „Þessu er alltaf lofað fyrir kosningar en alltaf svikið“ Jóhann Páll Jóhannsson Skoðun Halldór 26.04.2025 Halldór Það er ekki hægt að loka augunum fyrir þessum veruleika Davíð Bergmann Skoðun Skoðun Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar Skoðun Frans páfi kvaddur eða meðtekinn? Bjarni Karlsson skrifar Skoðun Lægjum öldurnar Halla Hrund Logadóttir skrifar Skoðun Að hata einhvern sem þú þarft á að halda? Katrín Pétursdóttir skrifar Skoðun Íslenskar pyndingar Guðmundur Ingi Þóroddsson skrifar Skoðun SFS, Exit og norska leiðin þeirra Jón Kaldal skrifar Skoðun Friður - í framsöguhætti eða viðtengingarhætti? Bryndís Schram skrifar Skoðun Næringarfræði er lykillinn að betri heilsu, viltu vera með? Guðrún Nanna Egilsdóttir skrifar Skoðun Löngu þarft samtal um hóp sem gleymist! Katarzyna Kubiś skrifar Skoðun Menntun fyrir öll – nema okkur Haukur Guðmundsson skrifar Skoðun Það er ekki hægt að loka augunum fyrir þessum veruleika Davíð Bergmann skrifar Skoðun Kirkjugarðsballið: Eiga Íslendingar að mæta þar? Birgir Dýrfjörð skrifar Skoðun Að sækja gullið (okkar) Þröstur Friðfinnsson skrifar Skoðun Til hamingju blaðamenn! Hjálmar Jónsson skrifar Skoðun Stormur í Þjóðleikhúsinu Bubbi Morthens skrifar Skoðun Börn í skugga stríðs Hólmfríður Jennýjar Árnadóttir skrifar Skoðun Opið bréf til mennta- og barnamálaráðherra Gunnar Örn Vopnfjörð Þorsteinsson skrifar Skoðun Hvernig gerum við Grundarhverfi enn betra? Ævar Harðarson skrifar Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar Skoðun 120km hraði á Keflavíkurveginum og netsölur með áfengi Jón Páll Haraldsson skrifar Skoðun Lausnin liggur fyrir – Landspítali þarf að stíga skrefið Sandra B. Franks skrifar Skoðun Auðbeldi SFS Örn Bárður Jónsson skrifar Skoðun Skjárinn og börnin Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun „Er stjúpmamma þín vond eins og í Öskubusku?“ Hafdís Bára Ólafsdóttir skrifar Skoðun Af hverju er Framsóknarfólk hamingjusamast? Árelía Eydís Guðmundsdóttir skrifar Skoðun Norska leiðin hefur gefist vel – í Póllandi Heiðrún Lind Marteinsdóttir skrifar Skoðun Opið hús fyrir útvalda Björn Brynjúlfur Björnsson skrifar Skoðun Af hverju hræðist fólk kynjafræði? Eydís Ásbjörnsdóttir skrifar Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar Skoðun Hópnauðganir/svartheimar! Davíð Bergmann skrifar Sjá meira
Góðir lesendur það hefur verið áhugavert að fylgjast með umsagnarferli í samráðsgátt stjórnvalda, er varðar afgreiðslu verkefnastjórnar 5 áfanga rammaáætlunar á fyrirhuguðum virkjanaáformum í Hamarsdal í fyrrum Djúpavogshreppi. Þar leggur verkefnastjórn til að svæðið fari í verndarflokk þar sem það á sannarlega heima. Í umsögnum kristallast það að náttúruvernd á Íslandi er í skötulíki. Sveitarstjórnir í Múlaþingi,Fjarðarbyggð og jafnvel Hafnar í Hornafirði leggjast gegn vernd dalsins þó rök verkefnastjórnar rammaáætlunar séu mjög sterk. Það eru vonbrigði að sjá hve náttúruvernd vigtar lítið innan stjórnsýslunnar . Mörgum finnst skorta á hugsun um náttúruvernd,enda eru náttúruverndarnefndir faldar innan skipulagsnefnda og alltof sjaldan minnst á náttúruvernd eða friðlýsingar. Náttúruvernd hvorki fugl né fiskur í stjórnsýslunni. Þó er einn stærsti vaxtarbroddur austurlands ferðaþjónusta. Það er sannað með könnunum að ferðamenn sækjast eftir að skoða lítt snortna náttúru. Sjálfboðaliðasamtök sem bera hag náttúru landsins mega sín lítils gegn fjársterkum aðilum Svo virðist sem erlend fyrirtæki hafi beinan aðgang að sveitarstjórnum í nafni orkuskifta með fulltingi íslenskra undanfara. Síðan koma hersingar af verkfræði og lögfræðistofum sem keyptar eru til að skrifa þverhandarþykkar skýrslur um ágæti verkefnanna,að bjarga heimamönnum Loftslagsvandinn er orðinn að risastóru beitarhólfi þar sem erfitt er skilja kjarnann frá hisminu. Bæði Arctic Hydro og CIP/Fjarðaorka leggja allt í sölurnar til að krækja í Hamarsdal. Mikil er hugulsemi þessara erlendu fyrirtækja að þeir hika ekki við að eyðileggja fallegan dal í nafni orkuskifta. Orkuskifti fyrir hverja ? Í útvarpsfréttum fyrir skemmstu mátti heyra formann bæjarráðs Fjarðabyggðar lýsa vonbrigðum með afgreiðslu verkefnastjórnar sem er þó vel rökstudd. Eftir stórkostlegt inngrip Kárahnjúkavirkjunar og þau sár sem aldrei gróa,var náttúru austurlands heitið griðum. Hverjar eru efndirnar ? Hversvegna beita sveitarstjórnir og forsvarsmenn Fjarðaorku sér ekki að glatvarmanum í túnfætinum í stað þess að ráðast að fögrum dal í nágrannasveitarfélagi. Vill meirihlutinn í Fjarðarbyggð og Múlaþingi gína yfir Sviðinhornahrauni líka ? Hvenær liggur fyrir að fanga glatvarmann frá álveri Alcoa og fiskimjölsverksmiðjum svæðisins ? Hversvegna kaupa fiskimjölsverksmiðjurnar skerðanlega orku ? Að mörgu er að hyggja og hví skyldi náttúran ekki njóta vafans ? Á austurlandi er raforkuframleiðsla með því mesta sem þekkist,um 135 MW st/íbúa. Ekkert réttlætir það að ryðjast inn á ný svæði til frekari raforkuframleiðslu. Tengingar Kárahnúkavirkjunar við deifikerfið er mun árangursríkara atriði fyrir íbúa svæðisins. Sé skortur á rafmagni er það minni skaði að keyra díselrafstöðvar á álagspunktum heldur en að valda landsspjöllum. Grænþvottur má ekki valda óafturkræfum skemmdum á landi. Hvorki er mikið atvinnuleysi né skortur á öflugu atvinnulífi í fjórðungnum. Frekar snúa vandamálin að því að manna þau fyrirtæki sem eru til staðar. Mikilvægast er að dreifa raforkunni af skynsemi og ljúka þrífösun landsbyggðar strax. Rarik á heiður skilinn við lagningu jarðstrengja og þrífösun landsins en það er fjárskorti að kenna um að lagning jarðstrengja er gloppótt og alltof seinvirk. Pólitisk ákvörðun. Það rímar við fjársvelti innviða í vegagerð og heilbrigðiskerfi. Allir landsmenn ættu að sitja við sama borð með þriggja fasa rafmagn og jöfnun kostnaðar til húshitunar. Fyrr geta engin orkuskifti hafist,svo ekki sé minnst á að tryggja heimilum landsins forgang á rafmagni á lágu verði.Ég skora á kjörna fulltrúa að vera tryggir sinni fósturjörð og gleypa ekki fagurgala stórfyrirtækja í blindni. Óbyggð víðerni njóta sérstakrar verndar samkvæmt náttúruverndarlögum. Fyrirhuguð virkjun myndi raska votlendi,stöðuvötnum og tjörnum samkvæmt 61. grein náttúruverndarlaga. Sviðinhornahraun er einstakt víðerni sem ber að vernda. Ísland býr yfir fágætum víðernum í Evrópu. Að eyðileggja ósnortna náttúru,fossaraðir og gróður ásamt því að reisa 50 metra háar stiflur er umhverfishryðjuverk í fallegum dal. Verkefnisstjórn 5 áfanga rammaáætlunar ber að þakka góð og fagleg vinnubrögð að vísa svæðinu í verndarflokk. Áratuga umsátri um Hamarsdal er tímabært að ljúka með friðlýsingu fyrir virkjanaáformum á komandi misserum. Höfundur er félagi í Náttaust og ættaður úr Hamardal.
Skoðun Iðjuþjálfar í leik- og grunnskólum: Tækifæri í baráttunni gegn agavanda og skólaforðun Hekla Björt Birkisdóttir,Hrefna Dagbjört Arnardóttir,Inga Fríða Guðbjörnsdóttir,Íris Kristrún Kristmundsdóttir skrifar
Skoðun Matvælaframleiðslulandið Ísland – er framtíð án sérþekkingar? Ólöf Guðný Geirsdóttir,Ólafur Ögmundarson skrifar
Skoðun Hlustum á okkar landsliðskonur - sýnum Ísrael rauða spjaldið Hrönn G. Guðmundsdóttir,Ragnhildur Hólmgeirsdóttir skrifar