Íslenski boltinn

Danskur varnar­maður til Breiðabliks

Ingvi Þór Sæmundsson skrifar
Daniel Obbekjær í grænu treyjunni.
Daniel Obbekjær í grænu treyjunni. breiðablik

Danski varnarmaðurinn Daniel Obbekjær er genginn í raðir Breiðabliks. Hann samdi við félagið út tímabilið 2025.

Obbekjær er 21 árs og hóf ferilinn með OB í heimalandinu. Hann lék til skamms tíma með York United í Kanada en gekk til liðs við 07 Vestur í Færeyjum í fyrra. Obbekjær átti gott tímabil með 07 Vestur, var fyrirliði liðsins og valinn í lið tímabilsins í færeysku úrvalsdeildinni. Á ferilskrá Obbekjærs eru tuttugu leikir fyrir yngri landslið Danmerkur.

Á sunnudaginn tilkynnti Breiðablik um komu norska framherjans Benjamins Stokke. Auk þeirra Obbekjærs hafa Blikar fengið Arnór Gauta Jónsson, Aron Bjarnason og Kristin Jónsson.

Á síðasta tímabili endaði Breiðablik í 4. sæti Bestu deildarinnar og komst í riðlakeppni Sambandsdeildar Evrópu.

Breiðablik mætir FH á heimavelli í 1. umferð Bestu deildarinnar mánudaginn 8. apríl.

Besta deild karla Breiðablik

Tengdar fréttir

Á allt öðrum stað en hin liðin

Halldór Árnason, þjálfari Breiðabliks, segist nokkuð ánægður með stöðuna á leikmannahópi liðsins nú þegar mánuður er í fyrsta leik í Bestu deild karla. Blikar hafa þá þurft að aðlagast heldur óvenjulegu undirbúningstímabili.

Mest lesið


Fleiri fréttir

Sjá meira


×

Mest lesið