Sonur Martins sló í gegn

Alba Berlin birti fyrr í dag myndskeið af æfingu liðsins þar sem að sonur Martins var með honum í för. Skemmst er frá því að segja að sá stutti sló í gegn á æfingunni, lék listir sínar og á máltækið sjaldan fellur eplið langt frá eikinni vel í þessu tilviki.

Umrætt myndskeið af æfingunni má sjá hér fyrir neðan.

Ekki er ýkja langt síðan að Martin gekk aftur í raðir Alba Berlin eftir nokkurra ára veru í herbúðum spænska liðsins Valencia.

Martin hafði áður spilað með liði Alba Berlin á árunum 2018-2020 þar sem að hann varð Þýskalandsmeistari sem og þýskur bikarmeistari árið 2020.