„Bjarni hefur aldrei gengið svona langt í rasisma“ Margrét Björk Jónsdóttir skrifar 20. janúar 2024 13:20 Færsla Bjarna Benediktssonar hefur vakið hörð viðbrögð. Vísir/Sigurjón Færsla Bjarna Benediktssonar, þar sem hann gagnrýnir tjaldbúðir mótmælenda við Austurvöll, hefur vakið mikil og hörð viðbrögð. Margir gagnrýna ummæli Bjarna sem þó hafa einnig hlotið nokkurn meðbyr. Í færslunni sem utanríkisráðherra birti á Facebook síðu sinni í gær, segir Bjarni það óboðlegt með öllu að Reykjavíkurborg hafi gefið leyfi fyrir tjaldbúðunum á þeim helga stað milli styttunnar af Jóni Sigurðssyni og Alþingis. Það sé „hörmung að sjá tjaldbúðirnar við Austurvöll.“ Þá segir hann Alþingi ítrekað hafa brugðist með því að hafna tillögum dómsmálaráðherra um hertari reglur í málaflokknum og boðar aukið eftirlit á landamærum. Alma Mjöll Ólafsdóttir, blaðamaður á Heimildinni, telur óábyrgt að setja Palestínumenn, sem stundi friðsamleg mótmæli, í sama samhengi og alþjóðlega brotastarfsemi. Það ali á fordómum sem nú þegar grasseri í garð Palestínumanna. „Fólks sem eins og ég og þú sjá á símanum sínum myndskeið af dánum og sundursprengdum börnum. Munurinn á milli okkar og þeirra er að í hvert skipti sem að slíkar myndir eða myndbönd birtast gæti verið UM BÖRNIN ÞEIRRA að ræða eða börn ættingja þeirra, systkina og svo framvegis,“ skrifar Alma. Aðgerðarsinninn og stjórnmála- og evrópufræðingurinn Sema Erla Serdaroglu beinir orðum sínum til Bjarna. Hún segir það eina sem sé dapurlegt sé „ógeðfelldur og rasískur málflutningur“ hans og „algjört sinnuleysi“ sem hann beri ábyrgð á. „Það er vissulega hörmulegt að fólk þurfi að sofa úti vikum saman, meðal annars í gulri viðvörun, í baráttu sinni fyrir því að koma fjölskyldum sínum undan þjóðernishreinsunum vegna aðgerðaleysis þíns, flokks þíns og ríkisstjórnar þinnar.“ Illugi Jökulsson, rithöfundur og útvarpsmaður, segir ummæli Bjarna „aumlega tilraun til að gefa rasistafylginu á hægri vængnum undir fótinn.“ Eru engin skárri ráð til að reyna að halda að halda í fylgið? Skammarlegt. Sigmundur Davíð Gunnlaugsson, formaður Miðflokksins, deilir færslu Bjarna og segir um að ræða mjög áhugaverðan pistil. Margt sé til í orðum Bjarna að hans mati, nema athugasemdin um að þingið hafi brugðist. „Ríkisstjórnin hefur brugðist. Á þingi er einn flokkur sem hefur sleitulaust reynt að koma ríkisstjórninni á réttan kjöl í málinu,“ skrifar Sigmundur, sem telur skrifin geta þýtt annarsvegar að Sjálfstæðisflokkurinn ætli sér að breyta um stefnu og framkvæmd, eða að það séu kosningar í vændum. Brynhildur Bolladóttir, fyrrum upplýsingafulltrúi Rauða krossins, segist alls ekki mæla með lestri þessa „ömurlega, ógeðslega, ómannúðlega drasls“ sem utanríkisráðherra skrifar. „Að hugsa sér að það sé hægt að agnúast svona út í fána. Þau eru að reyna að bjarga fjölskyldum sínum. Það er ekkert farið úr neinum böndum nema stríð Ísrael gegn Palestínu.“ Ég er grátandi af því mér finnst þetta svo ógeðslegt og ómanneskjulegt. Sagan mun dæma þennan heigul. Þá er leikarinn Kolbeinn Arnbjörnsson einn af þeim sem leggur orð í belg. Hann segist ætla að trúa því að lang flestir sjái í gegnum skrif Bjarna. „Bjarni Benediktsson með ógeðfellt örþrifaráð að hætti öfga hægri flokka sem alls staðar virðast vera að skríða úr holum sínum. Ég ætla að trúa því að þetta sé ekki áttin sem við stefnum í sem samfélag,“ skrifar Kolbeinn. Fjarlægði alla sem líkuðu við færsluna Bragi Páll Sigurðarson, rithöfundur, skrifar langan pistil á Facebook síðu sína um málið. Hann greinir frá því að hann hafi fjarlægt alla af vinalista sínum sem hafa „líkað við“ færslu Bjarna. „Bjarni hefur aldrei gengið svona langt í rasisma. En af hverju tekur hann ofan grímuna akkúrat núna? Gæti það tengst sögulegri lægð í stuðning við ríkisstjórnina? Fylgishrun Sjálfstæðisflokksins skrifast að miklu leiti á stanslaus sprenghlægileg afglöp Bjarna í öllu sem hann tekur sér fyrir hendur,“ skrifar Bragi. Þá tekur Bragi fram að mótmælendur séu ekki þarna af gamni sínu eða vegna þess að þeir hafi ekki í önnur hús að vernda heldur sé þetta táknrænn gjörningur. „ Hvað myndir þú gera ef ástvinir þínir væru fastir í fangelsi þar sem verið væri að fremja á þeim þjóðarmorð. Myndir þú sitja heima og vona það besta? Eða gera allt sem þú gætir? Tjalda vikum sama í nístingskulda? Fara ítrekað í viðtöl og afhjúpa þinn helgasta sársauka, aftur og aftur og aftur? Ég veit allavega hvað ég myndi gera. Og ég er endalaust þakklátur fyrir að líf fjölskyldu minnar sé ekki undir Bjarna Benediktssyni komið.“ Sjálfstæðismenn taka undir með formanninum Jón Gunnarsson, þingmaður Sjálfstæðisflokksins og fyrrverandi dómsmálaráðherra, er einn af þeim sem deilir færslunni. Hann segir þá alvarlegu stöðu sem upp sé komin í hælisleitendamálum hér á landi ekki geta viðgengist lengur. Ásmundur Friðriksson, annar þingmaður Sjálfstæðisflokksins gagnrýnir Einar Þorsteinsson, nýjan borgarstjóra Reykjavíkur og segir það „dapurleg skilaboð“ að lengja lengja heimild mótmælenda fyrir tjaldbúðunum. Með færslunni segi Bjarni „allan sannleikann og boðar breytta tíma í málefnum hælisleitenda.“ Þórður Þórarinnsson, framkvæmdastjóri Sjálfstæðisflokksins, deilir einnig færslu Bjarna og segist hafa gengið framhjá „ömurleikanum á Austurvelli“ í fyrsta skipti í gær. „Mér var brugðið, enda ruslið og draslið enn verra en mér hafði dottið í hug. Þegar ég horfði frá alþingishúsinu að styttu Jóns Sigurðssonar blasti við fánaborg erlends fána. Vanvirðingin sem Alþingi er þarna sýnd er þannig að hún dæmir sig auðvitað sjálf og er málstaðnum ekki til framdráttar. Ótrúlegt að Einar Þorsteinsson skuli hafa samþykkt að leyfa þennan ósóma áfram. Þetta á ekkert skylt við friðsöm mótmæli.“ Fiskikóngurinn Kristján Berg Ásgeirsson er ánægður með að einhver af ráðamönnum þjóðarinnar skuli loksins tjá sig. Þetta er ólíðandi með öllu og alþingismenn eiga að vera búnir að stoppa þetta strax í fæðingu. Nokkur umræða skapaðist undir athugasemd Kristjáns þar sem þónokkrir hótuðu að hætta viðskiptum við hann vegna ummælanna. Hér fyrir neðan má sjá færslu Bjarna og ummælin við hana. Átök í Ísrael og Palestínu Alþingi Sjálfstæðisflokkurinn Hælisleitendur Reykjavík Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent „Manneskja sem er komin á þetta plan hlýtur að vera rökþrota“ Innlent Sagði foreldrana líklega hafa dottið í aðdraganda andlátsins Innlent Trump ræsir út kjarnorkukafbáta eftir „ögrandi“ ummæli Rússa Erlent „Ég upplifi þetta sem mikinn yfirgang og ofbeldi“ Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira
Í færslunni sem utanríkisráðherra birti á Facebook síðu sinni í gær, segir Bjarni það óboðlegt með öllu að Reykjavíkurborg hafi gefið leyfi fyrir tjaldbúðunum á þeim helga stað milli styttunnar af Jóni Sigurðssyni og Alþingis. Það sé „hörmung að sjá tjaldbúðirnar við Austurvöll.“ Þá segir hann Alþingi ítrekað hafa brugðist með því að hafna tillögum dómsmálaráðherra um hertari reglur í málaflokknum og boðar aukið eftirlit á landamærum. Alma Mjöll Ólafsdóttir, blaðamaður á Heimildinni, telur óábyrgt að setja Palestínumenn, sem stundi friðsamleg mótmæli, í sama samhengi og alþjóðlega brotastarfsemi. Það ali á fordómum sem nú þegar grasseri í garð Palestínumanna. „Fólks sem eins og ég og þú sjá á símanum sínum myndskeið af dánum og sundursprengdum börnum. Munurinn á milli okkar og þeirra er að í hvert skipti sem að slíkar myndir eða myndbönd birtast gæti verið UM BÖRNIN ÞEIRRA að ræða eða börn ættingja þeirra, systkina og svo framvegis,“ skrifar Alma. Aðgerðarsinninn og stjórnmála- og evrópufræðingurinn Sema Erla Serdaroglu beinir orðum sínum til Bjarna. Hún segir það eina sem sé dapurlegt sé „ógeðfelldur og rasískur málflutningur“ hans og „algjört sinnuleysi“ sem hann beri ábyrgð á. „Það er vissulega hörmulegt að fólk þurfi að sofa úti vikum saman, meðal annars í gulri viðvörun, í baráttu sinni fyrir því að koma fjölskyldum sínum undan þjóðernishreinsunum vegna aðgerðaleysis þíns, flokks þíns og ríkisstjórnar þinnar.“ Illugi Jökulsson, rithöfundur og útvarpsmaður, segir ummæli Bjarna „aumlega tilraun til að gefa rasistafylginu á hægri vængnum undir fótinn.“ Eru engin skárri ráð til að reyna að halda að halda í fylgið? Skammarlegt. Sigmundur Davíð Gunnlaugsson, formaður Miðflokksins, deilir færslu Bjarna og segir um að ræða mjög áhugaverðan pistil. Margt sé til í orðum Bjarna að hans mati, nema athugasemdin um að þingið hafi brugðist. „Ríkisstjórnin hefur brugðist. Á þingi er einn flokkur sem hefur sleitulaust reynt að koma ríkisstjórninni á réttan kjöl í málinu,“ skrifar Sigmundur, sem telur skrifin geta þýtt annarsvegar að Sjálfstæðisflokkurinn ætli sér að breyta um stefnu og framkvæmd, eða að það séu kosningar í vændum. Brynhildur Bolladóttir, fyrrum upplýsingafulltrúi Rauða krossins, segist alls ekki mæla með lestri þessa „ömurlega, ógeðslega, ómannúðlega drasls“ sem utanríkisráðherra skrifar. „Að hugsa sér að það sé hægt að agnúast svona út í fána. Þau eru að reyna að bjarga fjölskyldum sínum. Það er ekkert farið úr neinum böndum nema stríð Ísrael gegn Palestínu.“ Ég er grátandi af því mér finnst þetta svo ógeðslegt og ómanneskjulegt. Sagan mun dæma þennan heigul. Þá er leikarinn Kolbeinn Arnbjörnsson einn af þeim sem leggur orð í belg. Hann segist ætla að trúa því að lang flestir sjái í gegnum skrif Bjarna. „Bjarni Benediktsson með ógeðfellt örþrifaráð að hætti öfga hægri flokka sem alls staðar virðast vera að skríða úr holum sínum. Ég ætla að trúa því að þetta sé ekki áttin sem við stefnum í sem samfélag,“ skrifar Kolbeinn. Fjarlægði alla sem líkuðu við færsluna Bragi Páll Sigurðarson, rithöfundur, skrifar langan pistil á Facebook síðu sína um málið. Hann greinir frá því að hann hafi fjarlægt alla af vinalista sínum sem hafa „líkað við“ færslu Bjarna. „Bjarni hefur aldrei gengið svona langt í rasisma. En af hverju tekur hann ofan grímuna akkúrat núna? Gæti það tengst sögulegri lægð í stuðning við ríkisstjórnina? Fylgishrun Sjálfstæðisflokksins skrifast að miklu leiti á stanslaus sprenghlægileg afglöp Bjarna í öllu sem hann tekur sér fyrir hendur,“ skrifar Bragi. Þá tekur Bragi fram að mótmælendur séu ekki þarna af gamni sínu eða vegna þess að þeir hafi ekki í önnur hús að vernda heldur sé þetta táknrænn gjörningur. „ Hvað myndir þú gera ef ástvinir þínir væru fastir í fangelsi þar sem verið væri að fremja á þeim þjóðarmorð. Myndir þú sitja heima og vona það besta? Eða gera allt sem þú gætir? Tjalda vikum sama í nístingskulda? Fara ítrekað í viðtöl og afhjúpa þinn helgasta sársauka, aftur og aftur og aftur? Ég veit allavega hvað ég myndi gera. Og ég er endalaust þakklátur fyrir að líf fjölskyldu minnar sé ekki undir Bjarna Benediktssyni komið.“ Sjálfstæðismenn taka undir með formanninum Jón Gunnarsson, þingmaður Sjálfstæðisflokksins og fyrrverandi dómsmálaráðherra, er einn af þeim sem deilir færslunni. Hann segir þá alvarlegu stöðu sem upp sé komin í hælisleitendamálum hér á landi ekki geta viðgengist lengur. Ásmundur Friðriksson, annar þingmaður Sjálfstæðisflokksins gagnrýnir Einar Þorsteinsson, nýjan borgarstjóra Reykjavíkur og segir það „dapurleg skilaboð“ að lengja lengja heimild mótmælenda fyrir tjaldbúðunum. Með færslunni segi Bjarni „allan sannleikann og boðar breytta tíma í málefnum hælisleitenda.“ Þórður Þórarinnsson, framkvæmdastjóri Sjálfstæðisflokksins, deilir einnig færslu Bjarna og segist hafa gengið framhjá „ömurleikanum á Austurvelli“ í fyrsta skipti í gær. „Mér var brugðið, enda ruslið og draslið enn verra en mér hafði dottið í hug. Þegar ég horfði frá alþingishúsinu að styttu Jóns Sigurðssonar blasti við fánaborg erlends fána. Vanvirðingin sem Alþingi er þarna sýnd er þannig að hún dæmir sig auðvitað sjálf og er málstaðnum ekki til framdráttar. Ótrúlegt að Einar Þorsteinsson skuli hafa samþykkt að leyfa þennan ósóma áfram. Þetta á ekkert skylt við friðsöm mótmæli.“ Fiskikóngurinn Kristján Berg Ásgeirsson er ánægður með að einhver af ráðamönnum þjóðarinnar skuli loksins tjá sig. Þetta er ólíðandi með öllu og alþingismenn eiga að vera búnir að stoppa þetta strax í fæðingu. Nokkur umræða skapaðist undir athugasemd Kristjáns þar sem þónokkrir hótuðu að hætta viðskiptum við hann vegna ummælanna. Hér fyrir neðan má sjá færslu Bjarna og ummælin við hana.
Átök í Ísrael og Palestínu Alþingi Sjálfstæðisflokkurinn Hælisleitendur Reykjavík Mest lesið Fjölskyldufaðir stunginn meðan sonurinn horfði á Innlent Fékk sex milljónum of há laun og neitaði að endurgreiða þau Innlent Þjóðhátíð í Eyjum: Farþegafjöldi í Herjólfi komi á óvart Innlent Vann skemmdir á golfvelli og skildi eftir smokk Innlent „Manneskja sem er komin á þetta plan hlýtur að vera rökþrota“ Innlent Sagði foreldrana líklega hafa dottið í aðdraganda andlátsins Innlent Trump ræsir út kjarnorkukafbáta eftir „ögrandi“ ummæli Rússa Erlent „Ég upplifi þetta sem mikinn yfirgang og ofbeldi“ Innlent Tollar á vörur frá Íslandi verða 15 prósent samkvæmt forsetatilskipun Erlent Búast við þrumuveðri og vatnavöxtum Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira