Innlent

Grunaður fíkni­efna­sali reyndist dvelja ó­lög­lega á Ís­landi

Viktor Örn Ásgeirsson skrifar
Maðurinn var handtekinn á vettvangi.
Maðurinn var handtekinn á vettvangi. Vísir/Vilhelm

Lögregla fékk tilkynningu um mann sem var að selja fíkniefni í Háaleiti í Reykjavík í dag og við nánari skoðun kom í ljós að maðurinn dvaldi ólöglega hér á landi. Hann var vistaður í fangaklefa vegna málsins, að því er fram kemur í dagbók lögreglunnar á höfuðborgarsvæðinu.

Tilkynnt var um mann sem lét öllum illum látum á Landspítalanum en hann var handtekinn og vistaður í fangageymslu. Þá fór lögregla í útkall vegna heimilisofbeldis í Gerðunum og var einn vistaður í fangaklefa vegna þessa.

Í miðborginni var tilkynnt um hústökufólk og vísaði lögregla fólkinu burt. Þá var tilkynnt um slasaðan einstakling í Garðabænum eftir fall, en ekki er vitað hversu alvarlega sá slasaðist, samkvæmt dagbók lögreglunnar á höfuðborgarsvæðinu þar sem fjallað er um verkefni dagsins í dag.

Lögreglumál Reykjavík

Mest lesið


Fleiri fréttir

Sjá meira


×

Mest lesið