Yfir 700 lög­reglu­menn fylgdu liði Mac­cabi Tel Aviv til leiks í Valencia

Leikurinn í Valencia fer fram í skugga stríðsátakanna í Ísrael og á Gasasvæðinu og því ekki skrýtið að yfirvöld á Spáni vilji hafa vaðið fyrir neðan sig þegar kemur að leiknum.

Yfir 700 lögregluþjónar voru kallaðir til vinnu til að sjá til þess að lið Maccabi Tel Aviv kæmist örugglega xtil leiksins. Lögreglumennirnir voru flestir þungvopnaðir og fylgdu fjölmörg farartæki rútu Maccabiliðsins eftir. Þá flaug þyrla yfir svæðið þar að auki.

Í frétt spænska blaðsins Marca kemur fram að forráðamenn Maccabi Tel Aviv hafi flutt starfsemi liðsins til Nicosia á Kýpur á meðan stríðsátökin geysa. Liðið flaug með einkaflugi til Spánar í gær.

Martin Hermannsson er á mála hjá Valencia en er ekki í leikmannahópi liðsins í kvöld.