Skulfu á beinunum á for­sýningu Kulda

Í aðalhluverkum eru þau Jóhannes Haukur Jóhannesson, Elín Hall, Selma Björnsdóttir, Mikael Kaaber, Sara Dögg Ásgeirsdóttir og Halldóra Geirharðsdóttir. Auk þess fer Ólöf Halla Jóhannesdóttir, dóttir Jóhannesar Hauks, með stórt hlutverk í myndinni sem dóttir hans.

Erlingur Óttar Thoroddsen er leikstjóri og handritshöfundur myndarinnar. Hann ávarpaði gesti ásamt Sigurjóni Sighvatssyni sem framleiðir myndina ásamt Heather Millard. Dúndrandi lófaklapp var að sýningu lokinni og voru leikarar heiðraðir með blómum.

Að sýningu lokinni var haldið í eftirpartý í Gym og Tonic salinn á Kex hostel þar sem aðstandendur myndarinnar litu yfir framleiðslutímabilið og skáluðu. 

Eins og áður segir er myndin byggð á samnefndri bók Yrsu Sigurðardóttur, en síðasta kvikmynd sem byggð var á verkum Yrsu var hrollvekjan Ég man þig og var henni vel tekið í íslenskum kvikmyndahúsum.