Mac Allister sleppur við bann

Liverpool áfrýjaði rauða spjaldinu og enska knattspyrnusambandið, FA, hefur nú dregið það til baka.

Þessi 24 ára Argentínumaður var sendur af velli með beint rautt spjald á 58. mínútu fyrir brot á Ryan Christie. 

Jürgen Klopp, knattspyrnustjóri Liverpool, tjáði sig um spjaldið að leik loknum. Hann, eins og svo margir aðrir, var hissa á dómnum og sagði meðal annars að ef gula spjaldið hefði farið á loft hefði dómarinn aldrei verið beðinn um að skoða atvikið betur í VAR-skjánum góða.