Haf­steinn, Jón Gunnar og Sig­ríður Gyða til LearnCove

Í tilkynningu segir að Hafsteinn hafi verið ráðinn sem hugbúnaðarsérfræðingur en hann hafi áður starfað hjá Sidekick Health við hugbúnaðargerð. Hafsteinn sé með BS gráðu í tölvunarfræði frá Háskólanum í Reykjavík.

„Jón Gunnar Stefánsson hefur verið ráðinn sem sölu og viðskiptastjóri. Hann starfaði áður sem sérfræðingur í fjármáladeild hjá Elkem. Jón Gunnar er með BS gráðu í viðskiptafræði og próf í verðbréfamiðlun frá Háskólanum í Reykjavík.

Sigríður Gyða Héðinsdóttir hefur verið ráðin sem sölu og viðskiptastjóri. Hún starfaði áður hjá nýsköpunarfyrirtækinu Arc Studio sem markaðsfulltrúi. Sigríður er með BA gráðu í ensku og fjölmiðlafræði frá Háskóla Íslands og MA gráðu í miðlun og samskiptastjórnun frá Hochschule Macromedia í Þýskalandi,“ segir í tilkynningunni.

LearnCove er fræðslu- og þjálfunarhugbúnaður sem styður einnig ferla og úttektir. Í tilkynningunni segir að fyrirtækið sé í miklum vexti og hafi tekið fyrstu skrefin með alþjóðlegum viðskiptavinum í Kanada, Grikklandi og Grænlandi ásamt því að vera í notkun hjá rúmlega fimmtíu fyrirtækjum innanlands.