Zucker­berg til í að slást við Musk

Elon Musk bryddaði upp á hug­myndinni að slags­málum á milli sín og Zucker­berg á Twitter. Þar sagðist hann til í að mæta hinum milljarða­mæringnum í búrinu. Undan­farnar vikur hefur móður­fé­lag Face­book, Meta, unnið að þróun sam­fé­lags­miðils sem verður í beinni sam­keppni við Twitter og er tölu­vert líkari miðlinum en Face­book.

Zucker­berg, sem er eig­andi Face­book og Insta­gram birti þá skjá­skot af færslu Musk og bað Musk ein­fald­lega um að gefa upp stað­setningu á bar­daganum. Svaraði hann því þá að þeir ættu að mætast í Vegas Octagon, bar­daga­höllinni í Las Vegas þar sem UFC bar­dagar fara fram.

„Ég er með þetta frá­bæra trikk sem ég kalla „rostunginn,“ þar sem ég ligg ofan á and­stæðingnum og geri ekkert,“ skrifar Musk léttur í bragði á Twitter. Hann segist ekki hreyfa sig neitt að ráði, nema þegar hann leiki sér með börnunum sínum.

Mark Zucker­berg virðist hins­vegar vera í besta formi lífs síns, ef marka má fréttir breska ríkis­út­varpsins. Hann hefur undan­farin ár stundað strangar æfingar í bar­daga­í­þróttum líkt og jui jitsu.