UN Global Compact á Íslandi Auður Hrefna Guðmundsdóttir skrifar 30. maí 2023 12:30 Sjálfbær þróun er orðin grundvallarþáttur í hagþróun um allan heim. Margvísleg samtök stuðla að sjálfbæru atvinnulífi en stærsta sjálfbærniframtak heims er UN Global Compact (UNGC), eða sáttmáli Sameinuðu þjóðanna um ábyrgt atvinnulíf. Í UN Global Compact eru yfir 22 þúsund aðildarfyrirtæki í yfir 160 löndum. Dæmi um aðila eru alþjóðleg fyrirtæki á borð við Maersk, Equinor (áður Statoil), Volvo, Johnson & Johnson, Pepsi-Co, Samsung Electronics, Unilever, General Electric (GE) og IBM. Starfsemi UN Global Compact miðast við að fyrirtæki fylgi eftir hinum tíu meginreglum sáttmálans (e. the Ten Principles of the UN Global Compact). Þessar tíu meginreglur varða ábyrga viðskiptahætti og falla undir mannréttindi, vinnumarkaðsmál, umhverfismál og aðgerðir gegn spillingu. Einnig vinna samtökin markvisst að innleiðingu heimsmarkmiða Sameinuðu þjóðanna. Sjálfbærni, jafnvægi, hringrásarhagkerfið, réttlát umskipti: þetta eru allt hugtök sem við þekkjum. Öll snúast þau um að leggja grunn að sjálfbærri velmegun og verðmætasköpun til lengri tíma. Þetta er einmitt leiðarljós Sameinuðu þjóðanna og þess vegna var sáttmálinn Global Compact gerður fyrir rétt rúmum 20 árum. UNGC hvetur og aðstoðar fyrirtæki við að fylgja sjálfbærum og samfélagslega ábyrgum starfsháttum. Þátttaka í UN Global Compact staðfestir ekki aðeins skuldbindingu fyrirtækja í átt að sjálfbærari rekstri, heldur styrkir þátttaka í UNGC alþjóðlegt orðspor íslensks atvinnulífs. Með því að ganga í UNGC tengjast íslensk fyrirtæki alþjóðlegu neti fyrirtækja, stofnana og samtaka. Aðild felur m.a. í sér aðgang að akademíu UN Global Compact, framboð ýmissa hraðla um einstök málefni sjálfbærni, viðburði hér á landi og á Norðurlöndum og ýmsa aðstoð tengda málefnum sjálfbærni. Allt er þetta gert til að miðla þekkingu, hvetja til samvinnu, auka nýsköpun og samkeppnishæfni. Til að fylgjast með árangri fyrirtækja á sviði sjálfbærni skila aðildarfyrirtæki upplýsingum með þar til gerðum rafrænum gagnagrunni, sem tekinn var í notkun fyrr á árinu 2023. Þetta gerir hagaðilum og fyrirtækjunum sjálfum auðvelt að fylgjast með aðgerðum og árangri. Starfsemi Global Compact varðar málefni sjálfbærni þvert á landamæri. Um leið erum við minnt á mikilvægi alþjóðlegrar samvinnu. Íslensk fyrirtæki og íslenskt hagkerfi þarf á henni að halda. Aðgerðir á sviði loftslagsmála, umhverfisverndar og á sviði mannréttinda verða að flæða milli landa í anda góðrar samvinnu. Fá samtök eru í betri aðstöðu til að byggja árangur á samvinnu en Global Compact og stuðla að sjálfbærum hagnaði fyrirtækja. Náttúruauðlindir Íslands, svo sem jarðhiti, vatnorka og ósnortið landslag, gegna lykilhutverki í verðmætasköpun íslenska hagkerfisins. UNGC leggur áherslu á ábyrga auðlindastjórnun og hvetur fyrirtæki til að taka upp sjálfbæra starfshætti sem lágmarka umhverfisáhrif um leið og stuðlað er að hagnaði til lengri tíma. UNGC leggur enn fremur ríka áherslu á mannréttindi, vinnuumhverfi og félagslega aðlögun. Með því að innleiða meginreglur UNGC í starfsemi sína geta íslensk fyrirtæki stuðlað að réttlátara samfélagi. Með því að efla fjölbreytileika og þátttöku hlúa fyrirtæki að umhverfi jafnra tækifæra. Þetta eykur aftur á móti ánægju starfsmanna, eykur framleiðni og laðar að hæfileikaríkt fagfólk inn á vinnumarkaðinn. Samfélagslega ábyrg fyrirtæki styrkja íslenskt atvinnulíf í heild. Ferðaþjónusta er orðin að grundvallarstoð í íslensku atvinnulífi, auk annarra mikilvægra atvinnuvega s.s. sjávarútvegs, landbúnaðar, iðnaðar, upplýsingatækni, verslunar og þjónustu. Með því að vera aðili að UNGC geta íslensk ferðaþjónustufyrirtæki orðið sjálfbærari og tryggt betur að ferðaþjónustan verði áfram jákvætt afl fyrir umhverfið, staðbundin svæði og samfélagið í heild. Sjálfbær ferðaþjónusta laðar að sér ábyrga ferðamenn sem setja áfangastaði sem sýna fram á skuldbindingu um sjálfbærni í forgang. Samtökin UN Global Compact eru nú með formlega starfsemi á Íslandi og ráðgefandi stjórn hefur verið skipuð (e. Leadership Council). Skrifstofa samtakanna er í Húsi atvinnulífsins, Borgartúni 35, 105 Reykjavík. Miðvikudaginn 31. maí milli kl. 10-12 verður haldinn kynningarviðburður á vegum UN Global Compact á Íslandi. Fundurinn hefst kl. 10 og fer fram í Norðurljósasal Hörpu. Allir eru velkomnir. Heimasíða UN Global Compact á Íslandi Höfundur er svæðisstjóri UN Global Compact á Íslandi Viltu birta grein á Vísi? Sendu okkur póst. Senda grein Sameinuðu þjóðirnar Mest lesið Hlíðarendi – hverfið mitt Freyr Snorrason Skoðun Lukka Sjálfstæðisflokksins Inga María Hlíðar Thorsteinson Skoðun Jens er rétti maðurinn í brúna! Anton Berg Sævarsson Skoðun Má skera börn? Magnea Gná Jóhannsdóttir Skoðun Stuðningur fyrir börn í vanda getur verið lífsbjörg Stefán Guðbrandsson Skoðun Hver er betri sem formaður Sjálfstæðisflokksins? Þórir Garðarsson Skoðun Strandveiðar – nýliðun hægri vinstri Steindór Ingi Kjellberg Skoðun Reykurinn sást löngu fyrir brunann! Davíð Bergmann Skoðun Alþjóðaflugvöllurinn á Akureyri: Hvar er Icelandair? Birgir Orri Ásgrímsson Skoðun Heilbrigðisyfirvöld með í samtali um hugvíkkandi meðferðir Sara María Júlíudóttir Skoðun Skoðun Skoðun Raddir, kyn og kassar Linda Björk Markúsardóttir skrifar Skoðun Færni á vinnumarkaði – ný námsleið fyrir fólk með þroskahömlun Helga Gísladóttir skrifar Skoðun Framtíðarfyrirkomulag biðlauna formanns VR Ólafur Reimar Gunnarsson skrifar Skoðun Sannanir í dómsmáli? Rithandarrannsóknir, fyrri grein Jörgen Ingimar Hansson skrifar Skoðun Rödd friðar á móti sterkum her Anna Hildur Hildibrandsdóttir skrifar Skoðun Leiðtogi nýrra tíma Auður Kjartansdóttir,Bjarnveig Guðbrandsdóttir,Brynhildur Einarsdóttir,Guðrún Ingadóttir,G. Sirrý Ágústsdóttir,Hafdís Gunnarsdóttir,Jónas Kári Eiríksson,Júlíus Guðni Antonsson,Ragnhildur Eva Jónsdóttir,Róbert Smári Gunnarsson skrifar Skoðun Alþjóðaflugvöllurinn á Akureyri: Hvar er Icelandair? Birgir Orri Ásgrímsson skrifar Skoðun Tollflokkun rifins osts: Rangfærslur og staðreyndir Erna Bjarnadóttir skrifar Skoðun Framtíð löggæslu fínpússuð í tilraunastofunni Gaza Kristján Þór Sigurðsson skrifar Skoðun Wybory/Election/Kosningar Mateusz Gabríel K. Róbertsson skrifar Skoðun Hver er betri sem formaður Sjálfstæðisflokksins? Þórir Garðarsson skrifar Skoðun Hlíðarendi – hverfið mitt Freyr Snorrason skrifar Skoðun Rétturinn til að hafa réttindi Arndís Anna Kristínardóttir Gunnarsdóttir skrifar Skoðun Chamberlain eða Churchill leiðin? Ingibjörg Þóra Haraldsdóttir skrifar Skoðun Magnús Karl sem næsta rektor Háskóla Íslands Sólveig Ásta Sigurðardóttir,Stefanía Benónísdóttir skrifar Skoðun Heilbrigðisyfirvöld með í samtali um hugvíkkandi meðferðir Sara María Júlíudóttir skrifar Skoðun Flug er almenningsssamgöngur Ari Trausti Guðmundsson skrifar Skoðun Barátta fyrir mannréttindum aldrei verið mikilvægari Þorgerður Katrín Gunnarsdóttir skrifar Skoðun Löggjafinn brýtur á skólabörnum (grein 1) Valdís Ingibjörg Jónsdóttir skrifar Skoðun Strandveiðar – nýliðun hægri vinstri Steindór Ingi Kjellberg skrifar Skoðun Reykurinn sást löngu fyrir brunann! Davíð Bergmann skrifar Skoðun Angist og krabbamein Auður E. Jóhannsdóttir skrifar Skoðun Jens er rétti maðurinn í brúna! Anton Berg Sævarsson skrifar Skoðun Stuðningur fyrir börn í vanda getur verið lífsbjörg Stefán Guðbrandsson skrifar Skoðun Lukka Sjálfstæðisflokksins Inga María Hlíðar Thorsteinson skrifar Skoðun Silja Bára, öruggur og faglegur leiðtogi fyrir Háskóla Íslands Margrét Gíslínudóttir skrifar Skoðun Má skera börn? Magnea Gná Jóhannsdóttir skrifar Skoðun Aðför að menntakerfinu Hólmfríður Jennýjar Árnadóttir skrifar Skoðun Er íslenska þjóðin að eldast? Þorsteinn Þorsteinsson skrifar Skoðun Áslaug Arna er framtíðin og sóknarfærið er ungt fólk Sybil Gréta Kristinsdóttir skrifar Sjá meira
Sjálfbær þróun er orðin grundvallarþáttur í hagþróun um allan heim. Margvísleg samtök stuðla að sjálfbæru atvinnulífi en stærsta sjálfbærniframtak heims er UN Global Compact (UNGC), eða sáttmáli Sameinuðu þjóðanna um ábyrgt atvinnulíf. Í UN Global Compact eru yfir 22 þúsund aðildarfyrirtæki í yfir 160 löndum. Dæmi um aðila eru alþjóðleg fyrirtæki á borð við Maersk, Equinor (áður Statoil), Volvo, Johnson & Johnson, Pepsi-Co, Samsung Electronics, Unilever, General Electric (GE) og IBM. Starfsemi UN Global Compact miðast við að fyrirtæki fylgi eftir hinum tíu meginreglum sáttmálans (e. the Ten Principles of the UN Global Compact). Þessar tíu meginreglur varða ábyrga viðskiptahætti og falla undir mannréttindi, vinnumarkaðsmál, umhverfismál og aðgerðir gegn spillingu. Einnig vinna samtökin markvisst að innleiðingu heimsmarkmiða Sameinuðu þjóðanna. Sjálfbærni, jafnvægi, hringrásarhagkerfið, réttlát umskipti: þetta eru allt hugtök sem við þekkjum. Öll snúast þau um að leggja grunn að sjálfbærri velmegun og verðmætasköpun til lengri tíma. Þetta er einmitt leiðarljós Sameinuðu þjóðanna og þess vegna var sáttmálinn Global Compact gerður fyrir rétt rúmum 20 árum. UNGC hvetur og aðstoðar fyrirtæki við að fylgja sjálfbærum og samfélagslega ábyrgum starfsháttum. Þátttaka í UN Global Compact staðfestir ekki aðeins skuldbindingu fyrirtækja í átt að sjálfbærari rekstri, heldur styrkir þátttaka í UNGC alþjóðlegt orðspor íslensks atvinnulífs. Með því að ganga í UNGC tengjast íslensk fyrirtæki alþjóðlegu neti fyrirtækja, stofnana og samtaka. Aðild felur m.a. í sér aðgang að akademíu UN Global Compact, framboð ýmissa hraðla um einstök málefni sjálfbærni, viðburði hér á landi og á Norðurlöndum og ýmsa aðstoð tengda málefnum sjálfbærni. Allt er þetta gert til að miðla þekkingu, hvetja til samvinnu, auka nýsköpun og samkeppnishæfni. Til að fylgjast með árangri fyrirtækja á sviði sjálfbærni skila aðildarfyrirtæki upplýsingum með þar til gerðum rafrænum gagnagrunni, sem tekinn var í notkun fyrr á árinu 2023. Þetta gerir hagaðilum og fyrirtækjunum sjálfum auðvelt að fylgjast með aðgerðum og árangri. Starfsemi Global Compact varðar málefni sjálfbærni þvert á landamæri. Um leið erum við minnt á mikilvægi alþjóðlegrar samvinnu. Íslensk fyrirtæki og íslenskt hagkerfi þarf á henni að halda. Aðgerðir á sviði loftslagsmála, umhverfisverndar og á sviði mannréttinda verða að flæða milli landa í anda góðrar samvinnu. Fá samtök eru í betri aðstöðu til að byggja árangur á samvinnu en Global Compact og stuðla að sjálfbærum hagnaði fyrirtækja. Náttúruauðlindir Íslands, svo sem jarðhiti, vatnorka og ósnortið landslag, gegna lykilhutverki í verðmætasköpun íslenska hagkerfisins. UNGC leggur áherslu á ábyrga auðlindastjórnun og hvetur fyrirtæki til að taka upp sjálfbæra starfshætti sem lágmarka umhverfisáhrif um leið og stuðlað er að hagnaði til lengri tíma. UNGC leggur enn fremur ríka áherslu á mannréttindi, vinnuumhverfi og félagslega aðlögun. Með því að innleiða meginreglur UNGC í starfsemi sína geta íslensk fyrirtæki stuðlað að réttlátara samfélagi. Með því að efla fjölbreytileika og þátttöku hlúa fyrirtæki að umhverfi jafnra tækifæra. Þetta eykur aftur á móti ánægju starfsmanna, eykur framleiðni og laðar að hæfileikaríkt fagfólk inn á vinnumarkaðinn. Samfélagslega ábyrg fyrirtæki styrkja íslenskt atvinnulíf í heild. Ferðaþjónusta er orðin að grundvallarstoð í íslensku atvinnulífi, auk annarra mikilvægra atvinnuvega s.s. sjávarútvegs, landbúnaðar, iðnaðar, upplýsingatækni, verslunar og þjónustu. Með því að vera aðili að UNGC geta íslensk ferðaþjónustufyrirtæki orðið sjálfbærari og tryggt betur að ferðaþjónustan verði áfram jákvætt afl fyrir umhverfið, staðbundin svæði og samfélagið í heild. Sjálfbær ferðaþjónusta laðar að sér ábyrga ferðamenn sem setja áfangastaði sem sýna fram á skuldbindingu um sjálfbærni í forgang. Samtökin UN Global Compact eru nú með formlega starfsemi á Íslandi og ráðgefandi stjórn hefur verið skipuð (e. Leadership Council). Skrifstofa samtakanna er í Húsi atvinnulífsins, Borgartúni 35, 105 Reykjavík. Miðvikudaginn 31. maí milli kl. 10-12 verður haldinn kynningarviðburður á vegum UN Global Compact á Íslandi. Fundurinn hefst kl. 10 og fer fram í Norðurljósasal Hörpu. Allir eru velkomnir. Heimasíða UN Global Compact á Íslandi Höfundur er svæðisstjóri UN Global Compact á Íslandi
Skoðun Leiðtogi nýrra tíma Auður Kjartansdóttir,Bjarnveig Guðbrandsdóttir,Brynhildur Einarsdóttir,Guðrún Ingadóttir,G. Sirrý Ágústsdóttir,Hafdís Gunnarsdóttir,Jónas Kári Eiríksson,Júlíus Guðni Antonsson,Ragnhildur Eva Jónsdóttir,Róbert Smári Gunnarsson skrifar
Skoðun Magnús Karl sem næsta rektor Háskóla Íslands Sólveig Ásta Sigurðardóttir,Stefanía Benónísdóttir skrifar
Skoðun Heilbrigðisyfirvöld með í samtali um hugvíkkandi meðferðir Sara María Júlíudóttir skrifar
Skoðun Barátta fyrir mannréttindum aldrei verið mikilvægari Þorgerður Katrín Gunnarsdóttir skrifar
Skoðun Silja Bára, öruggur og faglegur leiðtogi fyrir Háskóla Íslands Margrét Gíslínudóttir skrifar