Harry og Meg­han nærri því að lenda í stór­slysi

Meg­han tók í gær við verð­launum á verð­launa­há­tíðinni Wo­men of Vision þar sem fram­sýnar konur eru heiðraðar. Meg­han tók við verð­launum og hélt ræðu þar sem hún hvatti aðrar konur til þess að láta sig jafn­réttis­bar­áttu varða.

Um var að ræða fyrsta skiptið sem hjónin koma fram saman opin­ber­lega eftir krýningu Karls konungs. Vakti ræða Meg­han mikla at­hygli.

Breska ríkis­út­varpið greinir frá því að hjónin hafi sent frá sér til­kynningu vegna ljós­myndara sem hafi veitt þeim eftir­för að verð­launa­há­tíðinni lokinni. Segja þau að hurð hafi skollið nærri hælum.

„Eftir­förin entist í tvær klukku­stundir og vorum við í­trekað nærri því að lenda í á­rekstrum við aðra öku­menn á veginum, gangandi veg­far­endur og tvö lög­reglu­þjóna,“ hefur miðillinn eftir til­kynningu hjónanna.

Móðir Harry, Díana Bretaprinsessa, lést árið 1997 í bílslysi í París þegar ökumaður bíls hennar missti stjórn á honum á miklum hraða þar sem hann reyndi að komast undan ljósmyndurum sem elt höfðu Díönu á röndum.

Harry hefur ítrekað sagt að hann hafi áhyggjur af því að sagan muni endurtaka sig í tilviki fjölskyldu sinnar og eiginkonu sinnar Meghan. Þá hefur hann ítrekað gagnrýnt fjölmiðla fyrir fréttaflutning þeirra af sér og fjölskyldu sinni.