Að rökræða við rætið innræti Arna Magnea Danks skrifar 16. apríl 2023 10:31 Undanfarið hefur fólki verið tíðrætt um tjáningarfrelsi og heldur að það gefi því leyfi til að segja hvað sem er um hvern sem er, en það er einfaldlega ekki svo. Samkvæmt lögum þá ber fólki að geta gert grein fyrir máli sínu gagnvart dómstólum ef þess sé krafist og ákveðin orðræða er hreinlega ólögleg samkvæmt lögum. En þegar lögum er ekki fylgt og afleiðingar haturs orðræðunnar er nánast engin, þá er auðvelt að áætla sem svo að tjáningarfrelsinu sé engar skorður settar. Þennan vagn hoppa þau svo á sem hafa sem hæst í fullyrðingum sínum að trans fólk sé hættulegt. En af hverju er þeim í svo miklum mun að lýsa trans fólki sem hættulegu? Trans fólk er um 0,02% á Íslandi, um 0,5% í Bretlandi og á heimsvísu er talað um 1 - 2% að hámarki. Þar að auki er mikið um heimilisleysi, atvinnuleysi, sjálfskaðandi hegðun og sjálfvíga hjá trans fólki vegna þeirrar útskúfunar sem trans fólk verður fyrir. Hvar er þá þessi ógn og í hverju er hún fólgin? Margir lesa um að trans fólk, aðallega verið að ræða um trans konur í þessu sambandi, muni taka yfir öll verðlaun á heimsmeistaramótum og ólympíumótum ef ekkert er að gert. Aftur vil ég benda á að við erum að tala um brotabrot af heildarmannfjölda og litlar sem engar líkur að trans konur séu að fara að dominera íþróttaviðburði heimsins. Fyrir utan það að vísindin hafa sýnt fram á að trans konur hafa enga yfirburði gagnvart öðrum konum (nefndar sis konur héðan í frá) eftir að hafa verið í hormónameðferð í ár eða lengur. Hvað varðar yfirburði í íþróttum þá er það staðreynd að fólk kemst áfram vegna meðfædda eiginleika sem má rekja til erfða og jafnvel líffræðilegra frávika. T.d. framleiðir Michael Phelps sundkappi af náttúrunnar hendi mun minna af mjólkursýru en meðalmanneskjan og hefur líkamsbyggingu (langa handleggi, langa fótleggi) sem nýtast vel í sundi. Engum dettur í hug að segja að hann, vegna líffræðilegra frávika, ætti ekki að taka þátt í keppnum. Svo má ræða um Brittney Griner sem er 2.06 metrar á hæð, langt yfir meðalhæð bæði karla, kvenna og kvára en engum dettur í hug að banna henni að spila körfubolta þrátt fyrir að búa yfir líffræðilegum yfirburðum þegar horft er til heildarinnar. Nei það er ráðist á trans konur, sem í flestum tilfellum þora oftast ekki að stunda íþróttir til að byrja með vegna fordóma, og þær sakaðar um að vera ógn við aðrar konur. En ógnin er engin nema í hugum þeirra sem vilja sjá ógn þar sem engin er. Staðreyndin er sú að trans konur hafa haft réttinn til að keppa á öllum alþjóðlegum stórmótum undanfarin ár og áratugi og ekki ein einasta trans kona hefur unnið til verðlauna á þeim mótum í einstaklings greinunum. Erlendis er talað um að það sé verið að nota viðkvæman jaðarsettan minnihlutahóp til þess að dreifa athygli fólks frá raunverulegum hættum sem steðjar að okkur öllum en stjórnmálaöflin ráða ekki við. Ógnir eins og hnatthlýnun, hnignandi velferðarkerfi, spillingu og sístækkandi bil á milli þeirra sem eiga nánast allt og þeirra sem eiga ekkert. Á íslensku tölum við um blóraböggul en það útskýrir aðeins hluta hatursins en ekki allt. Það er nefnilega til þau sem trúa að trans fólk sé af hinu ílla og þau vilja gera allt sem í þeirra valdi stendur til að uppræta trans fólk af þessari jarðvist og með því ala á ótta annarra hefur þeim orðið ágengt í þeirri vegferð að hluta. Ofbeldi gegn trans fólki hefur aukist um 81% í Bretlandi samkvæmt nýlegri rannsókn og þó að ekki hafi verið gerð formleg rannsókn hér á landi þá hafa óformlegar kannanir sýnt fram á að alls kyns ofbeldi gagnvart trans fólki er og hefur verið að aukast hér líka. UN Women gaf nýlega út að samkvæmt þeirra rannsóknum eru trans konur fjórum sinnum líklegri að verða fyrir alvarlegu ofbeldi en sis konum. Nauðganir og morð á trans konum fer einnig fjölgandi og ef það er sett í hlutfallslegt samhengi, þá eru trans konur álíka stór hluti mannkyns og náttúrulega rauðhært fólk með blá augu. Ég er viss um að það þætti frétt ef um 400 rauðhærðir einstaklingar með blá augu væru myrtir á hverju einasta ári, en lítið er rætt um þessi morð í fjölmiðlum og þeir sem þau fremja nást sjaldnast og enn sjaldgæfara er að þeir fái dóm sem hæfir glæpnum. Svo er það hin mýtan, um "karlinn" sem vill gera allt sem þeir geta til að komast inn í kvennarými. Þetta er auðvitað algjörlega fáránlegt og gerir lítið úr þeim ótal rannsóknum sem hafa sýnt fram á að það að vera trans er líffræðilegt frávik, svipað og fæðast örvhentur og trans fólk er nákvæmlega það sem það segist vera, enda hefur alþjóðaheilbrigðismálastofnunin ásamt öllum helstu sérfræðistofnunum á svið læknavísinda og geðheilbrigðisvísinda gefið það út að það að vera trans er ekki geðsjúkdómur en ef hið líffræðilega frávik sé ekki meðhöndlað á viðeigandi hátt, valdi það kynama sem geti leitt til geðrænna vandamála á borð við þunglyndi og sjálfskaðandi hegðunar. Trans karlar eru karlar og trans konur eru konur og kynsegin fólk er nákvæmlega það sem það segist vera. Það er engin trans kona að fara að leggja það á sig að ganga í gegnum hormónameðferð og skurðaðgerðir, lenda svo ítrekað í allskyns áreiti og ofbeldi vegna fordóma og fáfræði, til þess eins að geta notað rými eingöngu ætlað konum. Margar þora varla að fara á salerni, hvað þá í sund vegna þeirra fordóma sem þær verða fyrir og þær sem það þora, oft ekki fyrr en eftir að hafa farið í kyn staðfestandi skurðaðgerðir og búnar að vera á hormónum í þónokkur ár. Staðreyndin er að karlar sem ætla sér að nauðga og ráðast á konur eru ekki að þykjast vera konur, þeir eru í 99% tilvika gagnkynhneigðir sis karlmenn, en við dæmum samt ekki alla menn er það? Það finnast rotin epli í öllum hópum og það eru til, örfá reyndar, dæmi um kynferðisglæpi framda af konum, bæði sis og trans en málpípur hatursins vilja að þið hlustið bara á dæmi um vonda trans fólkið, sérstaklega hættulegu, vondu trans konuna. En þetta er allt rekjanlegt og í raun svo fáránlegt að lengi vel töldum við, sem höfum verið uppnefnd "góða fólkið" - eins og það sé nú eitthvað slæmt, að það væri best að fæða ekki tröllin með athygli og þögðum því lengi vel. Of lengi í raun og veru, því raddir þessa öfgafólks náði að sá fræjum efa og ótta í hugum þeirra sem vissu ekkert um trans fólk, hafði aldrei hitt trans manneskju og í eigin fáfræði, hlustandi á fordómafullar raddir fullar af hatri, má vorkenna ansi mörgum fyrir að láta glepjast af áróðnum. En hingað og ekki lengra, og alveg eins og það er ekki til neins að rökræða við fólk sem vill ekki hlusta og er búið að ákveða fyrirfram hvað sé rétt og hvað sé rangt, þá er tími þagnarinnar lokið og öll ykkar sem viljið vita meira og nálgast réttar upplýsingar án þess að láta hatrið hafa ykkur að fíflum, vil ég benda á eftirfarandi: https://otila.is/ og https://www.transactual.org.uk/transphobia Svo að lokum vil ég að þið hugsið um ykkur sjálf. Eruð þið bara kynið ykkar? Nei þið eruð svo margt annað en bara það, þið eruð foreldrar, vinir, ættingjar, vinnufélagar og afkomendur. Þið eruð allt það sem þið hafið reynt, lært, lesið, kynnst og misst. Þið eruð gleði, sorg, undrun, vonbrigði og reiði. Þið eruð ósigrar ykkar og sigrar, þið eruð stundum hatrið á vondum degi en oftast eru þið ástin sem elskar lífið og sigrar allt nema ykkar eigin endalok og í í öllu þessu eruð þið og við öll, nánast, bara að reyna að gera okkar allra besta. Ég sjálf er svo margt og fyrir marga er ég ennþá fleira, aðeins eitt af því er sú staðreynd að ég er trans. Manneskja sem fékk úthlutað vitlausu kyni við fæðingu og þurfti að berjast í gegnum fáfræði, fordóma og hatur. Þurft að þola alls kyns ofbeldi, líkamlegt, andlegt og kynferðislegt, þar sem meðal annars átti að "laga mig" með biblíunni í annarri og bareflinu í hinni, en öll sú innræting sem átti sér stað frá unga aldri, frá því ég var bara lítið barn, breytti aldrei þeirri staðreynd að ég er, var og hef alltaf verið trans og ef það er ekki hægt með vondu og verra að gera trans barn að sis, hvaða líkur haldið þið að með góðu einu, fræðslunni, sé hægt að gera sis barn að trans? Svarið er, við erum það sem við erum og vorum sköpuð til að vera og ekkert getur breytt því en við getum vissulega gert líf fólks erfiðara með fáfræði, fordómum og hatri. Er ekki komin tími til að vakna og átta sig á að ógnin sem er verið að selja ykkur er tálbeita frá þeim raunverulegu ógnum sem steðjar að okkur öllum og hætta að gefa röddum hatursins endalaust svigrúm til tjáningar. Það rökræðir enginn við rætið innræti. Höfundur er leikkona, áhættuleikstjóri, kennari, meistaranemi í kynjafræði og trans kona. Viltu birta grein á Vísi? Sendu okkur póst. Senda grein Málefni trans fólks Mest lesið Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir Skoðun Skapandi menntun skilar raunverulegum árangri Bryngeir Valdimarsson Skoðun Sex ára sáttmáli Davíð Þorláksson Skoðun Heiðursgestur Viðreisnar vill heimsveldi Hjörtur J. Guðmundsson Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Styrkjum stöðu leigjenda Kristján Þórður Snæbjarnarson Skoðun Skoðun Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar Skoðun Skapandi menntun skilar raunverulegum árangri Bryngeir Valdimarsson skrifar Skoðun Sex ára sáttmáli Davíð Þorláksson skrifar Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar Skoðun Stjórnendur sem mega ekki stjórna Stefán Vagn Stefánsson skrifar Skoðun Stokkhólmseinkenni sem við ættum að forðast Aðalsteinn Júlíus Magnússon skrifar Skoðun Eflum iðnlöggjöfina og stöðvum brotin Hilmar Harðarson skrifar Skoðun Pjattkratar taka til Þorsteinn Sæmundsson skrifar Skoðun Sumt er bara ekki hægt að rökræða Ása Lind Finnbogadóttir skrifar Skoðun Vaxtamunarviðskipti láta aftur á sér kræla Jökull Sólberg Auðunsson skrifar Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir skrifar Skoðun Rétt skal vera rétt um gatnamót við Höfðabakka og Bæjarháls Dóra Björt Guðjónsdóttir skrifar Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir skrifar Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir skrifar Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir skrifar Skoðun Græðgin í forgrunni Kolbrún Áslaugar Baldursdóttir skrifar Skoðun Greiningar eða lausnir – hvort vegur þyngra? Sigurður Árni Reynisson skrifar Skoðun Sterk staða Hafnarfjarðar Orri Björnsson skrifar Skoðun Bless bless jafnlaunavottun Sigríður Margrét Oddsdóttir skrifar Skoðun Miðstýrt skólakerfi eða fjölbreytni með samræmdu gæðamati? Bogi Ragnarsson skrifar Skoðun Heiðursgestur Viðreisnar vill heimsveldi Hjörtur J. Guðmundsson skrifar Skoðun Veðmál barna – hættulegur leikur sem hægt er að stöðva Jóhann Steinar Ingimundarson skrifar Skoðun Allt leikur í umburðarlyndi – eða hvað? Sigurður Eyjólfur Sigurjónsson skrifar Skoðun Lyfjafræðingar - traustur stuðningur í flóknum heimi Sigurbjörg Sæunn Guðmundsdóttir skrifar Skoðun Þvílíkt „plan“ fyrir íslensk heimili Magnea Gná Jóhannsdóttir skrifar Skoðun Ísland og móðurplanta með erindi Steinunn Ólína Þorsteinsdóttir skrifar Skoðun Háttvirta nýja þingkonan, María Rut Kristinsdóttir Ólafur Grétar Gunnarsson skrifar Skoðun Alþjóðadagur krabbameinsrannsókna – eitthvað sem mig varðar? Halla Þorvaldsdóttir skrifar Skoðun Af hverju ættum við að stunda geðrækt, rétt eins og líkamsrækt? Sigrún Þóra Sveinsdóttir skrifar Sjá meira
Undanfarið hefur fólki verið tíðrætt um tjáningarfrelsi og heldur að það gefi því leyfi til að segja hvað sem er um hvern sem er, en það er einfaldlega ekki svo. Samkvæmt lögum þá ber fólki að geta gert grein fyrir máli sínu gagnvart dómstólum ef þess sé krafist og ákveðin orðræða er hreinlega ólögleg samkvæmt lögum. En þegar lögum er ekki fylgt og afleiðingar haturs orðræðunnar er nánast engin, þá er auðvelt að áætla sem svo að tjáningarfrelsinu sé engar skorður settar. Þennan vagn hoppa þau svo á sem hafa sem hæst í fullyrðingum sínum að trans fólk sé hættulegt. En af hverju er þeim í svo miklum mun að lýsa trans fólki sem hættulegu? Trans fólk er um 0,02% á Íslandi, um 0,5% í Bretlandi og á heimsvísu er talað um 1 - 2% að hámarki. Þar að auki er mikið um heimilisleysi, atvinnuleysi, sjálfskaðandi hegðun og sjálfvíga hjá trans fólki vegna þeirrar útskúfunar sem trans fólk verður fyrir. Hvar er þá þessi ógn og í hverju er hún fólgin? Margir lesa um að trans fólk, aðallega verið að ræða um trans konur í þessu sambandi, muni taka yfir öll verðlaun á heimsmeistaramótum og ólympíumótum ef ekkert er að gert. Aftur vil ég benda á að við erum að tala um brotabrot af heildarmannfjölda og litlar sem engar líkur að trans konur séu að fara að dominera íþróttaviðburði heimsins. Fyrir utan það að vísindin hafa sýnt fram á að trans konur hafa enga yfirburði gagnvart öðrum konum (nefndar sis konur héðan í frá) eftir að hafa verið í hormónameðferð í ár eða lengur. Hvað varðar yfirburði í íþróttum þá er það staðreynd að fólk kemst áfram vegna meðfædda eiginleika sem má rekja til erfða og jafnvel líffræðilegra frávika. T.d. framleiðir Michael Phelps sundkappi af náttúrunnar hendi mun minna af mjólkursýru en meðalmanneskjan og hefur líkamsbyggingu (langa handleggi, langa fótleggi) sem nýtast vel í sundi. Engum dettur í hug að segja að hann, vegna líffræðilegra frávika, ætti ekki að taka þátt í keppnum. Svo má ræða um Brittney Griner sem er 2.06 metrar á hæð, langt yfir meðalhæð bæði karla, kvenna og kvára en engum dettur í hug að banna henni að spila körfubolta þrátt fyrir að búa yfir líffræðilegum yfirburðum þegar horft er til heildarinnar. Nei það er ráðist á trans konur, sem í flestum tilfellum þora oftast ekki að stunda íþróttir til að byrja með vegna fordóma, og þær sakaðar um að vera ógn við aðrar konur. En ógnin er engin nema í hugum þeirra sem vilja sjá ógn þar sem engin er. Staðreyndin er sú að trans konur hafa haft réttinn til að keppa á öllum alþjóðlegum stórmótum undanfarin ár og áratugi og ekki ein einasta trans kona hefur unnið til verðlauna á þeim mótum í einstaklings greinunum. Erlendis er talað um að það sé verið að nota viðkvæman jaðarsettan minnihlutahóp til þess að dreifa athygli fólks frá raunverulegum hættum sem steðjar að okkur öllum en stjórnmálaöflin ráða ekki við. Ógnir eins og hnatthlýnun, hnignandi velferðarkerfi, spillingu og sístækkandi bil á milli þeirra sem eiga nánast allt og þeirra sem eiga ekkert. Á íslensku tölum við um blóraböggul en það útskýrir aðeins hluta hatursins en ekki allt. Það er nefnilega til þau sem trúa að trans fólk sé af hinu ílla og þau vilja gera allt sem í þeirra valdi stendur til að uppræta trans fólk af þessari jarðvist og með því ala á ótta annarra hefur þeim orðið ágengt í þeirri vegferð að hluta. Ofbeldi gegn trans fólki hefur aukist um 81% í Bretlandi samkvæmt nýlegri rannsókn og þó að ekki hafi verið gerð formleg rannsókn hér á landi þá hafa óformlegar kannanir sýnt fram á að alls kyns ofbeldi gagnvart trans fólki er og hefur verið að aukast hér líka. UN Women gaf nýlega út að samkvæmt þeirra rannsóknum eru trans konur fjórum sinnum líklegri að verða fyrir alvarlegu ofbeldi en sis konum. Nauðganir og morð á trans konum fer einnig fjölgandi og ef það er sett í hlutfallslegt samhengi, þá eru trans konur álíka stór hluti mannkyns og náttúrulega rauðhært fólk með blá augu. Ég er viss um að það þætti frétt ef um 400 rauðhærðir einstaklingar með blá augu væru myrtir á hverju einasta ári, en lítið er rætt um þessi morð í fjölmiðlum og þeir sem þau fremja nást sjaldnast og enn sjaldgæfara er að þeir fái dóm sem hæfir glæpnum. Svo er það hin mýtan, um "karlinn" sem vill gera allt sem þeir geta til að komast inn í kvennarými. Þetta er auðvitað algjörlega fáránlegt og gerir lítið úr þeim ótal rannsóknum sem hafa sýnt fram á að það að vera trans er líffræðilegt frávik, svipað og fæðast örvhentur og trans fólk er nákvæmlega það sem það segist vera, enda hefur alþjóðaheilbrigðismálastofnunin ásamt öllum helstu sérfræðistofnunum á svið læknavísinda og geðheilbrigðisvísinda gefið það út að það að vera trans er ekki geðsjúkdómur en ef hið líffræðilega frávik sé ekki meðhöndlað á viðeigandi hátt, valdi það kynama sem geti leitt til geðrænna vandamála á borð við þunglyndi og sjálfskaðandi hegðunar. Trans karlar eru karlar og trans konur eru konur og kynsegin fólk er nákvæmlega það sem það segist vera. Það er engin trans kona að fara að leggja það á sig að ganga í gegnum hormónameðferð og skurðaðgerðir, lenda svo ítrekað í allskyns áreiti og ofbeldi vegna fordóma og fáfræði, til þess eins að geta notað rými eingöngu ætlað konum. Margar þora varla að fara á salerni, hvað þá í sund vegna þeirra fordóma sem þær verða fyrir og þær sem það þora, oft ekki fyrr en eftir að hafa farið í kyn staðfestandi skurðaðgerðir og búnar að vera á hormónum í þónokkur ár. Staðreyndin er að karlar sem ætla sér að nauðga og ráðast á konur eru ekki að þykjast vera konur, þeir eru í 99% tilvika gagnkynhneigðir sis karlmenn, en við dæmum samt ekki alla menn er það? Það finnast rotin epli í öllum hópum og það eru til, örfá reyndar, dæmi um kynferðisglæpi framda af konum, bæði sis og trans en málpípur hatursins vilja að þið hlustið bara á dæmi um vonda trans fólkið, sérstaklega hættulegu, vondu trans konuna. En þetta er allt rekjanlegt og í raun svo fáránlegt að lengi vel töldum við, sem höfum verið uppnefnd "góða fólkið" - eins og það sé nú eitthvað slæmt, að það væri best að fæða ekki tröllin með athygli og þögðum því lengi vel. Of lengi í raun og veru, því raddir þessa öfgafólks náði að sá fræjum efa og ótta í hugum þeirra sem vissu ekkert um trans fólk, hafði aldrei hitt trans manneskju og í eigin fáfræði, hlustandi á fordómafullar raddir fullar af hatri, má vorkenna ansi mörgum fyrir að láta glepjast af áróðnum. En hingað og ekki lengra, og alveg eins og það er ekki til neins að rökræða við fólk sem vill ekki hlusta og er búið að ákveða fyrirfram hvað sé rétt og hvað sé rangt, þá er tími þagnarinnar lokið og öll ykkar sem viljið vita meira og nálgast réttar upplýsingar án þess að láta hatrið hafa ykkur að fíflum, vil ég benda á eftirfarandi: https://otila.is/ og https://www.transactual.org.uk/transphobia Svo að lokum vil ég að þið hugsið um ykkur sjálf. Eruð þið bara kynið ykkar? Nei þið eruð svo margt annað en bara það, þið eruð foreldrar, vinir, ættingjar, vinnufélagar og afkomendur. Þið eruð allt það sem þið hafið reynt, lært, lesið, kynnst og misst. Þið eruð gleði, sorg, undrun, vonbrigði og reiði. Þið eruð ósigrar ykkar og sigrar, þið eruð stundum hatrið á vondum degi en oftast eru þið ástin sem elskar lífið og sigrar allt nema ykkar eigin endalok og í í öllu þessu eruð þið og við öll, nánast, bara að reyna að gera okkar allra besta. Ég sjálf er svo margt og fyrir marga er ég ennþá fleira, aðeins eitt af því er sú staðreynd að ég er trans. Manneskja sem fékk úthlutað vitlausu kyni við fæðingu og þurfti að berjast í gegnum fáfræði, fordóma og hatur. Þurft að þola alls kyns ofbeldi, líkamlegt, andlegt og kynferðislegt, þar sem meðal annars átti að "laga mig" með biblíunni í annarri og bareflinu í hinni, en öll sú innræting sem átti sér stað frá unga aldri, frá því ég var bara lítið barn, breytti aldrei þeirri staðreynd að ég er, var og hef alltaf verið trans og ef það er ekki hægt með vondu og verra að gera trans barn að sis, hvaða líkur haldið þið að með góðu einu, fræðslunni, sé hægt að gera sis barn að trans? Svarið er, við erum það sem við erum og vorum sköpuð til að vera og ekkert getur breytt því en við getum vissulega gert líf fólks erfiðara með fáfræði, fordómum og hatri. Er ekki komin tími til að vakna og átta sig á að ógnin sem er verið að selja ykkur er tálbeita frá þeim raunverulegu ógnum sem steðjar að okkur öllum og hætta að gefa röddum hatursins endalaust svigrúm til tjáningar. Það rökræðir enginn við rætið innræti. Höfundur er leikkona, áhættuleikstjóri, kennari, meistaranemi í kynjafræði og trans kona.
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Skoðun Háskólinn á Bifröst – Öflugur og sjálfstæður fjarnámsskóli Sólveig Hallsteinsdóttir skrifar
Skoðun Það eru fleiri fiskar í sjónum og fleiri sjónarmið í hafstjórn Guðbjörg Ásta Ólafsdóttir skrifar
Skoðun Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir skrifar
Skoðun Áskorun til ríkisstjórnarinnar: Innleiðum birgðaskyldu á eldsneyti Halla Hrund Logadóttir skrifar
Skoðun Rétt skal vera rétt um gatnamót við Höfðabakka og Bæjarháls Dóra Björt Guðjónsdóttir skrifar
Skoðun Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir skrifar
Skoðun Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir skrifar
Skoðun NATO riðar til falls en hvað þýðir það fyrir skilnaðarbarnið Ísland? Steinunn Ólína Þorsteinsdóttir skrifar
Skoðun Af hverju ættum við að stunda geðrækt, rétt eins og líkamsrækt? Sigrún Þóra Sveinsdóttir skrifar
Af hverju kynjafræði? Og hvaða greinar hafa fengið svipaðar mótbárur í gegnum tíðina? Guðrún Elísa Friðbjargardóttir Sævarsdóttir Skoðun
Háskólasamfélagið geri skyldu sína strax, stjórnvöld hafa brugðist Auður Magndís Auðardóttir,Elí Hörpu og Önundar,Eyrún Ólöf Sigurðardóttir,Helga Ögmundardóttir,Íris Ellenberger,Inga Björk Margrétar Bjarnadóttir,Katrín Pálmad. Þorgerðardóttir Skoðun
Þúsundir kusu Sönnu Anna Bentína Hermansen Einarsdóttir,Ármann Hákon Gunnarsson,Baldvin Björgvinsson,Brynja Guðnadóttir,Haraldur Ingi Haraldsson,Jón Hallur Haraldsson,Kolbrún Erna Pétursdóttir,Ólafur H. Ólafsson,Rakel Hildardóttir,Sigrún Jónsdóttir Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun