„Það heldur enginn með honum“

Lokaumferð NBA-deildarinnar fór fram í nótt. Það er því af nægu að taka í þætti kvöldsins en þar verður meðal annars farið yfir það þegar Rudy Gobert, miðherji Timberwolves, reyndi að kýla samherja sinn.

„Þetta er ótrúlegt að sjá. Hér eru Kyle Anderson og Rudy Gobert eitthvað að öskra,“ segir Sigurður Orri Kristjánsson þegar myndefni af mögulegum slagsmálum eru spiluð.

„Liðsfélagar Rudy Gobert, launahæsti leikmaður liðsins, fenginn í liðið fyrir alla valréttina og alla kistuna þeirra. Um leið og hann kýlir einhvern fóru liðsfélagarnir í hann að kýla í hann,“ bætti Sigurður Orri einnig við.

Lögmál leiksins er á dagskrá Stöðvar 2 Sport 2 og hefst klukkan 20.00.