Allt að 41 prósent verðmunur á páskaeggjum

Krónan var með lægsta verðið í fjórum tilvikum og verð á öðum páskaeggjum í versluninni var einni krónu hærra en verð hjá Bónus.

Iceland var oftast með hæsta verðið á páskaeggjum, í 19 tilvikum af 32 og Hagkaup í 14 tilvikum en verð í báðum verslunum var um 17 prósent hærra en lægsta verð.

Heimkaup var með hæsta meðalverðið sem var 27 prósent hærra en lægsta verð en einungis níu páskaegg af þeim sem voru í könnuninni fengust í versluninni.

Algengast var að 20-30 prósent munur væri á hæsta og lægsta verði á páskaeggjum eða í 18 tilfellum af 32. 

Næst algengast var að 10-20 prósent munur væri á hæsta og lægsta verði, í 13 tilfellum.

Mest var 41 prósent munur á hæsta og lægsta verði á Góu páskaeggi nr. 3. Lægst var verðið í Krónunni, 995 kr. og einungis þremur krónum hærra í Fjarðarkaupum, 998 kr. Hæst var verðið í Iceland, 1.399 kr.

Könnunin var framkvæmd í eftirtöldum verslunum: Nettó Lágmúla, Bónus Smáratorgi, Krónunni Lindum, Fjarðarkaupum, Iceland Engihjalla, Hagkaup Smáralind, Kjörbúðinni Sandgerði og á Heimkaup.is.

Niðurstöður verðkönnunar ASÍ.