Tíu ára hand­bolta­krakkar fá að spila bikar­úr­slita­leik í Laugar­dals­höllinni

Að þessu sinni fá krakkar í 5. og 6. flokki einnig að spila bikarúrslitaleiki í Laugardalshöllinni. Þetta í fyrsta skiptið sem þessi aldursflokkar leika í Höllinni sem er skemmtileg nýbreytni hjá HSÍ.

Krakkar í fimmtu flokki eru tólf og þrettán ára en krakkarnir í sjötta flokki eru tíu og ellefu ára. Tíu ára handboltakrakkar fá því að spila bikarúrslitaleik í Laugardalshöllinni.

Krakkarnir í 6. flokki eru á yngri og eldra ári og fara því fram tveir bikarúrslitaleikir hjá hvoru kyni. Þeir eru allir spilaðir á morgun eða á undan bikarúrslitaleikjum karla og kvenna.

Í dag fara hins vegar fram úrslitaleikir í fjórða flokki karla og kvenna. KA/Þór og Valur mætast í kvennaflokki klukkan 18.00 og strax á eftir eigast við í 4. flokki karla eldri, ÍR og Haukar, eða klukkan 20.00.

Leikjunum er streymt á miðlum HSÍ og aðgangseyrir er þúsund krónur fyrir sextán ára og eldri.

Hér fyrir neðan má sjá dagskrá allra úrslitaleikjanna: