Erlent

Fundu mennina látna á eld­fjallinu

Bjarki Sigurðsson skrifar
Mayon-eldfjallið gaus síðast árið 2018.
Mayon-eldfjallið gaus síðast árið 2018. Getty/Artur Widak

Yfirvöld í Filippseyjum hafa staðfest að mennirnir fjórir sem voru týndir eftir að flugvél brotlenti á Mayon-eldfjallinu séu látnir. Teymi vinnur nú að því að koma líkum mannanna niður af fjallinu. 

Fyrr í vikunni var greint frá því að flugvélin, sem var á leið til Manila, höfuðborgar Filippseyja, hafi horfið á laugardag. Með aðstoð dróna tókst svo að finna flak vélarinnar á eldfjallinu Mayon. Eldfjallið er óvirkt en gaus síðast árið 2018.

Um var að ræða Cessna 340-flugvél en hvers vegna hún brotlenti er ekki vitað. Fjórir menn voru um borð í vélinni, allir starfsmenn filippseyska jarðhitafyrirtækisins Manila Development Corp. 

Fjölmargir hafa tekið þátt í leitinni að mönnunum síðustu daga og mun nú björgunarteymi koma líkum mannanna niður af fjallinu. 

Filippseyjar Fréttir af flugi

Tengdar fréttir

Fundu flug­vélar­flak á eld­fjalli

Yfirvöld á Filippseyjum hafa sent björgunarhópa upp á óvirka eldfjallið Mayon í leit að fjórum mönnum sem taldir eru hafa brotlent á fjallinu. Í gær náðu björgunaraðilar að staðsetja flugvélarflak mannanna ofan á fjallinu. 

Mest lesið


Fleiri fréttir

Sjá meira


×

Mest lesið