Kvöldfréttir Stöðvar 2

Keflavíkurflugvöllur hefur verið rekinn á varaafli og rafmagnslaust er á öllum Suðurnesjum. Við verðum í beinni frá höfuðstöðvum Landsnets með nýjustu fréttir af rafmagnsleysinu.

Á meðan Íslendingar eru meðal hamingjusömustu og langlífustu þjóða heims setja þeir hvert metið á fætur öðru í lyfjanotkun. Við ræðum við heimilislækni sem segir mikilvægt að komast til botns í ástæðum lyfjanotkunarinnar sem geti verið skaðleg til lengri tíma.

Þá kynnum við okkur nýja þjóðarhöll sem á að rísa í Laugardalnum, verðum í beinni frá mótmælum við rússneska sendiráðið og hittum eldri borgara á Grundarfirði sem dansa, syngja og hlæja þegar þeir koma saman.

Þetta og margt fleira á samtengdum rásum Bylgjunnar og Stöðvar 2 klukkan 18:30.

Hlusta má á kvöldfréttir í beinni í spilaranum hér að ofan.