Íslenski boltinn

Geta haldið áfram að syngja „Jannik Pól, give us a gól“

Ingvi Þór Sæmundsson skrifar
Jannik Pohl fagnar einu níu marka sinna í Bestu deildinni á nýafstöðnu tímabili.
Jannik Pohl fagnar einu níu marka sinna í Bestu deildinni á nýafstöðnu tímabili. vísir/hulda margrét

Fram hefur framlengt samninga við tvo erlenda leikmenn sem reyndust liðinu vel í sumar.

Þetta eru Danirnir Jannik Pohl og Delphin Tshiembe sem komu báðir til Fram síðasta vor.

Pohl skoraði alls níu mörk í 21 leik í sumar. Fjögur þeirra komu í úrslitakeppni neðri hluta Bestu deildarinnar. Í frétt á heimasíðu Fram segir að eftir framlenginguna á samnings Pohls geti stuðningsmenn liðsins haldið áfram að syngja „Jannik Pól, give us a gól“.

Tshiembe lék 23 af 27 leikjum Fram í Bestu deildinni og skoraði eitt mark. Frammarar enduðu í 9. sæti á fyrsta tímabili sínu í efstu deild í áratug.

Besta deild karla Fram

Mest lesið


Fleiri fréttir

Sjá meira


×

Mest lesið