Ellefu látnir eftir árás á Gaza-svæðið

Einn af leiðtogum samtakanna Islamic Jihad, Tayseer Al Jabari, var drepinn í árásinni en samkvæmt CNN var fimm ára stelpa meðal þeirra sem létu lífið. Alls slösuðust 75 manns í árásinni.

„Ísraelska ríkið mun ekki leyfa hryðjuverkasamtökum á Gaza-svæðinu að stjórna svæðinu og ógna íbúum Ísrael,“ segir í tilkynningu frá Yair Lapid, forsætisráðherra Ísrael, og Benny Gantz, varnarmálaráðherra Ísrael.

Ástandið á Gaza-svæðinu hefur versnað upp á síðkastið en samtökin Hamas og Islamic Jihad, sem eru stærstu herskáu samtökin í Palestínu, hafa kennt Ísraelsmönnum um það.

Ísraelsmenn halda því hins vegar fram að þeir séu einungis að reyna að vernda íbúa sína gegn öfgasamtökum.