Viðskipti innlent

Fram­kvæmda­stjóri fjár­mála­sviðs Icelandair keypti fyrir fimm milljónir

Eiður Þór Árnason skrifar
Ívar Sigurður Kristinsson á nú 4,2 milljónir hluta í Icelandair Group.
Ívar Sigurður Kristinsson á nú 4,2 milljónir hluta í Icelandair Group. Icelandair

Ívar Sigurður Kristinsson, framkvæmdastjóri fjármálasviðs Icelandair Group, keypti í dag þrjár milljónir hluta í félaginu fyrir 5,19 milljónir króna.

Þetta kemur fram í tilkynningu frá Icelandair til Kauphallar en kaupverðið var 1,73 krónur á hlut. Viðskiptablaðið greinir frá því að Ívar hafi fyrir átt nærri 1,2 milljónir að nafnvirði í félaginu samkvæmt Kauphallartilkynningum í febrúar 2022 og ágúst 2021. Miðað við það á Ívar því 4,2 milljónir hluta í Icelandair Group virði um 7,2 milljóna króna að markaðsviðri.

Ívar var ráðinn framkvæmdastjóri fjármálasviðs flugfélagsins í ágúst 2021 en hann hafði áður gegnt stöðunni tímabundið og sömuleiðis ýmsum öðrum stjórnendastöðum hjá félaginu. Meðal annars hefur Ívar verið framkvæmdastjóri flotamála og leiðakerfis félagsins og stjórnandi á fjármálasviði.

Icelandair Kauphöllin Fréttir af flugi

Tengdar fréttir

Ívar fram­kvæmda­stjóri fjár­mála hjá Icelandair

Ívar S. Kristinsson hefur verið ráðinn framkvæmdastjóri fjármála hjá Icelandair Group. Hann hafði áður gegnt stöðunni tímabundið frá því í maí og hefur Ívar sömuleiðis gegn ýmsum stjórnendastöðum hjá félaginu á undanförnum árum.



Mest lesið


Fleiri fréttir

Sjá meira


×

Mest lesið