Erlent

Frétta­kona Al Jazeera skotin til bana á Vestur­bakkanum

Atli Ísleifsson og Gunnar Reynir Valþórsson skrifa
Shereen Abu Aqleh hafði fjallað um deilur Ísraela og Palestínumanna í um fimmtán ár.
Shereen Abu Aqleh hafði fjallað um deilur Ísraela og Palestínumanna í um fimmtán ár. Al Jazeera

Fréttakona frá Al Jazeera var skotin til bana af ísraelska hernum á Vesturbakkanum í nótt.

Fréttakonan, Shereen Abu Aqleh, var að flytja fréttir af aðgerðum hersins í borginni Jenin íklædd vesti sem sýndi greinilega að hún var blaðamaður. Hún var skotin í andlitið.

Annar fréttamaður varð einnig fyrir skotsárum en ástand hans er sagt stöðugt.

Shereen Abu Aqleh, sem var 51 árs, hafði fjallað um átök Ísraela og Palestínumanna í fimmtán ár og var vel þekkt um öll Miðausturlönd.

Ísraelski herinn segir í yfirlýsingu að svo virðist sem fréttafólkið hafi lent í skothríð á milli ísraelskra hermanna og palestínskra vígamanna.

Ísrael Palestína

Mest lesið


Fleiri fréttir

Sjá meira


×

Mest lesið