Einn hefur verið úrskurðaður í þriggja vikna gæsluvarðhald vegna stunguárásar við skemmtistaðinn Prikið í miðbæ Reykjavíkur í gær. Þetta staðfestir Grímur Grímsson, yfirmaður miðlægrar deildar lögreglu, í samtali við fréttastofu.
Tveir voru handteknir vegna málsins en aðeins farið fram á gæsluvarðhald yfir öðrum þeirra.
Maðurinn sem var stunginn er um tvítugt og særðist lífshættulega í árásinni. Tengsl eru á milli hans og hinna tveggja sem voru handteknir, samkvæmt heimildum fréttastofu. Báðir hinna handteknu eru einnig í kringum tvítugt.
Karlmaður um tvítugt særðist lífshættulega í stunguárás í Ingólfsstræti í nótt og gekkst undir aðgerð á Landspítala. Tengsl eru á milli hans og tveggja sakborninga, sem handteknir voru eftir lögregluleit.
