Hrafn­hildur ráðin upp­lýsinga­full­trúi úr hópi sjö­tíu um­sækj­enda

Í tilkynningu segir að Hrafnhildur, sem varð 25 ára fyrr í mánuðinum, hafi lokið B.A. námi í lögfræði með viðskiptafræði sem aukagrein frá Háskólanum í Reykjavík árið 2019 og LL.M. námi í hugverka- og tæknirétti frá Trinity College Dublin að því loknu. 

„Hún starfaði áður sem sérfræðingur og aðstoðarmaður framkvæmdastjóra hjá Fulbright stofnuninni á Íslandi og síðar sem aðstoðarmaður framkvæmdastjórnar og hugverkaráðgjafi hjá Travelshift.

Samhliða námi og starfi hefur Hrafnhildur sinnt ýmsum félagsstörfum og m.a. setið í lagabreytinganefnd Ungra athafnakvenna (UAK) og í stjórn málfundafélags Lögréttu. Hún hefur einnig mikla reynslu af notkun stafrænna miðla í upplýsinga- og kynningarskyni og samskiptum milli bæði íslenskra og erlendra stofnana og fyrirtækja,“ segir í tilkynningunni. 

Hrafnhildur var í ritstjórn skólablaðs Háskólans í Reykjavík og sat á sínum tíma í stjórn Hugins, félags ungra Sjálfstæðismanna í Garðabæ.

Alls sóttu sjötíu manns um stöðuna líkt og greint var frá í febrúar.