Sektaður um þrjár milljónir fyrir að segja aðdáanda að þegja

Sektina fær Durant fyrir „ruddalegt orðalag í garð aðdáanda“ eins og það er orðað, en leikmaðurinn skipaði manninum að þegja og setjast niður.

Aðdáandinn kallaði inn á völlinn og sagði Durant að hann þyrfti að taka yfir leikinn. Durant brást hinn versti við og skipaði manninum að grjóthalda kjafti og setjast niður svo farið sé fínt í hlutina.

Eins og áður segir tapaði Brooklyn-liðið leiknum naumlega, en Spencer Dinwiddie setti niður flautukörfu til að tryggja Dallas sigurinn, 113-111. Kevin Durant var stigahæstur í liði Brooklyn með 23 stig, ásamt því að taka sex fráköst og gefa tíu stoðsendingar.