Hörður ræðir slæmt gengi Knicks á leiktíðinni í Lögmál leiksins á Stöð 2 Sport 2 klukkan 21.20. Liðið komst í úrslitakeppnina á síðustu leiktíð og leyfði bjartsýnasta stuðningsfólk liðsins sér að dreyma um að liðið myndi halda áfram að klífa töfluna. Það hefur ekki verið raunin í vetur.
„Þeir voru í séns, þeir voru með All NBA-leikmann aftur. Við erum að ná í fjóra leikmenn, við ætlum að make a run for it,“ sagði Hörður um bjartsýnina sem einkenndi síðasta vor.
Á þessari leiktíð hefur liðið hent frá sér hverju risaforskotinu á fætur öðru og náði það ákveðnum hápunkti – eða lágpunkti – er liðið hrundi gegn Phoenix Suns. Hófst það allt á „slagsmálum“ Julius Randle og Cam Johnson í 3. leikhluta.
„Það versta við Knicks, ég er búinn að sjá nokkra leiki núna, er að minn maður Cam Reddish kemur inn á og gerir rosalega vel. En svo þarf að klára leikinn með Evan Fournier inn á,“ sagði Sigurður Orri Kristjánsson um Knicks-liðið
„Þetta eru flottar treyjur,“ skaut Tómas Steindórsson kíminn inn í áður en hann endaði á „ég held að það vilji enginn hræið hann Kemba Walker ef þú vildir svar við þeirri spurningu.“
Farið verður yfir magnaða endurkomu Suns gegn Knicks í þætti kvöldsins af Lögmál leiksins sem og hræið hann Kemba Walker. Þátturinn hefst klukkan 21.20 á Stöð 2 Sport 2.
Lögmál leiksins er vikulegur þáttur um NBA-deildina sem er sýndur á mánudögum á Stöð 2 Sport 2. NBA-deildin er hluti af Sport Erlent sem kostar kr. 3.990 á mánuði. Smelltu hér til að kaupa áskrift.
