Bachelorinn Colton Underwood trúlofaður

NFL-leikmaðurinn Colton Underwood var kærasti Ólympíuverðlaunahafans og fimleikastjörnunnar Ali Raisman frá 2016 til 2017. Hann vakti svo mikla athygli eftir að hann keppti í The Bachelorette árið 2018 og talaði þar opinberlega um að vera hreinn sveinn. 

Hann keppti þar á eftir í Bachelor in Paradise og var svo valinn til að vera „Bachelorinn“ í þáttunum The Bachelor ári síðar. Colton valdi þar Cassie Randolph og endaði þáttaröðina með henni, en þau hættu saman árið 2020. Í september sama ár sótti hún um nálgunarbann gegn Colton vegna skilaboða og hegðunar hans. 

Fann loksins ástina

14. apríl árið 2021 kom Colton út úr skápnum í þættinum Good Morning America. Hann gerði í kjölfarið Netflix þættina Coming out Colton. Í september á síðasta ári var hann svo myndaður í fríi á Hawai með Brown og hafa þeir verið óaðskiljanlegir síðan. 

Brown starfar fyrir Demókrataflokkinn í Bandaríkjunum. Colton er fæddur árið 1992 og hélt upp á 29 ára afmælið sitt á dögunum en Brown er 38 ára. 

Colton birti fallega paramynd af þeim á Instagram í gær í tilefni trúlofuninnar og skrifaði við myndina, „Lífið á eftir að verða skemmtilegt með þér.“