Brexit­mála­ráð­herra segir af sér og staða John­son sögð veik

Samkvæmt breskum miðlum sagði Frost af sér fyrir viku síðan en afsögnin komst fyrst í fréttir í dag. The Guardian greinir frá því að Frost og Johnson hafi náð samkomulagi um að hann myndi sitja í embætti út janúarmánuð en nú verði afsögn hans flýtt eftir að málið komst í fréttir.

Frost er sagður bæði ósáttur með gang viðræðna Breta við Evrópusambandið í ýmsum málum, sérstaklega þeim sem snerta Norður-Írland, en einnig með stefnu ríkisstjórnarinnar í sóttvarnaaðgerðum og yfirvofandi skattahækkunum.

Öll spjót beinast nú að forsætisráðherranum en staða hans virðist veikjast meira og meira með hverjum deginum. Í vikunni greiddu hundrað þingmenn úr hans eigin flokki til að mynda gegn stjórnarfrumvarpi um hertar samkomutakmarkanir í landinu. 

Það bætti síðan gráu ofan á svart þegar flokkurinn tapaði aukakosningum fyrir tveimur dögum í kjördæminu Norður Shorpsríki en hann hefur ekki tapað kosningum þar í tvær aldir.