Handboltaævintýrið á Ísafirði Ingvi Þór Sæmundsson skrifar 17. nóvember 2021 10:01 Kátir Harðarmenn eftir sigurinn á ÍR-ingum. hörður Ísafjörður hefur hingað til ekki verið þekktur fyrir að vera einn af höfuðstöðum handboltans á Íslandi. En það gæti verið að breytast. Á toppi Grill 66 deildar karla situr Hörður frá Ísafirði með fullt hús stiga. Á laugardaginn gerðu Harðarmenn góða ferð í Austurbergið og unnu þar ÍR-inga í miklum markaleik, 36-37. Nokkrir eftirmálar urðu að leiknum en allir skildu sáttir að lokum án þess að frekar verði farið út í þá sálma. Mikið vatn hefur runnið til sjávar hjá Herði á síðustu árum. Tímabilið 2019-20 enduðu Harðarmenn í neðsta sæti 2. deildar. Þeir fengu hins vegar boð um að taka sæti í Grill 66 deildinni og þáðu það. Á síðasta tímabili enduðu Harðarmenn í 8. sæti Grill 66 deildarinnar á síðasta tímabili en fóru í umspil um sæti í Olís-deildinni. Þar vegldu þeir Víkingum, sem enduðu í 2. sæti deildarinnar og unnu sextán af átján leikjum sínum, verulega undir uggum. Víkingur vann að lokum í oddaleik en Hörður var búinn að koma sér á handboltakortið. Ísfirðingar nýttu sér meðbyrinn og fengu til sín fjóra sterka leikmenn í sumar; spænsku skyttuna Mikel Amilibia Arrista, ungverska horna- og miðjumanninn Levente Morvai og hina japönsku Sigeru Hikawa og Kenya Kasahara. Sá síðastnefndi mætti galvaskur til leiks til Ísafjarðar eftir að hafa spilað með japanska landsliðinu á Ólympíuleikunum í Tókýó. Ólympíufarinn Kenya Kasahara.getty/Dean Mouhtaropoulos Kasahara er reyndur kappi og lykilmaður í japanska landsliðinu sem hefur sótt í sig veðrið á undanförnum árum undir stjórn Dags Sigurðssonar. Arrista lék á sínum tíma fjölda leikja fyrir yngri landslið Spánar og Morvai þótti mikið efni. Ísfirðingar voru því ekki að kaupa köttinn í sekknum fyrir tímabilið. Fyrir hjá Herði voru þrír Lettar, Roland Lebedevs, Endijs Kusners og Guntis Pilpuks, og Argentínumaðurinn Tadeo Ulises Salduna. Til viðbótar við þessa erlendu leikmenn er lið Harðar byggt upp á heimastrákum eins og Jóni Ómari Gíslasyni, Þráni Ágústi Arnaldssyni, Daníel Wale Adeleye, Antoni Frey Traustasyni, Axel Sveinssyni, Ásgeiri Óla Kristjánssyni, Stefáni Frey Jónssyni og unglingalandsliðsmanninum Sudario Eidi Carneiro. Fyrirliði Harðar er Óli Björn Vilhjálmsson sem hefur spilað lengi fyrir vestan. Einn af lykilmönnunum í uppgangi Harðar er þjálfarinn Carlos Martin Santos en það urðu vatnaskil þegar hann var ráðinn til félagsins fyrir tveimur árum. Mikil ánægja er með störf Spánverjans fyrir vestan en auk þess að þjálfa meistaraflokk karla þjálfarar hann alla yngri flokka félagsins. Þjálfari Harðar, Carlos Martin Santos, ásamt Gunnari Inga Hákonarsyni.hörður Harðarmenn hafa einnig bætt í umgjörðina í kringum liðið, ráðið til sín styrktarþjálfara og fjárfest í tveimur litlum rútum sem félagið ferðast í útileikina. Mikið er um ferðalög hjá Harðarmönnum enda eru öll liðin í Grill 66 deildinni fyrir utan þá, ungmennalið Selfyssinga og Þórsara stödd á höfuðborgarsvæðinu. Handboltaáhuginn hefur aukist fyrir vestan og iðkendur í yngri flokkum Harðar eru um áttatíu talsins og forráðamenn félagsins stefna á að fjölga þeim. Sem fyrr sagði hefur Hörður unnið alla fimm leiki sína í Grill 66 deildinni og markmiðið er skýrt, að Ísafjörður eignist lið í efstu deild karla í handbolta í fyrsta sinn. Og miðað við byrjunina á tímabilinu er margt ólíklegra en að það gerist. Íslenski handboltinn Ísafjarðarbær Hörður Mest lesið Marlena vann Bakgarðshlaupið: „Ég hljóp bara“ Sport Sólveig keppti ólétt og á leið í þungunarrof Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Marlena er sigurvegari Bakgarðshlaupsins Sport Keane segir Arteta að taka lyfin sín Enski boltinn Refsing fyrir að blóta gæti flýtt fyrir því að Verstappen hætti Formúla 1 Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Á toppi Grill 66 deildar karla situr Hörður frá Ísafirði með fullt hús stiga. Á laugardaginn gerðu Harðarmenn góða ferð í Austurbergið og unnu þar ÍR-inga í miklum markaleik, 36-37. Nokkrir eftirmálar urðu að leiknum en allir skildu sáttir að lokum án þess að frekar verði farið út í þá sálma. Mikið vatn hefur runnið til sjávar hjá Herði á síðustu árum. Tímabilið 2019-20 enduðu Harðarmenn í neðsta sæti 2. deildar. Þeir fengu hins vegar boð um að taka sæti í Grill 66 deildinni og þáðu það. Á síðasta tímabili enduðu Harðarmenn í 8. sæti Grill 66 deildarinnar á síðasta tímabili en fóru í umspil um sæti í Olís-deildinni. Þar vegldu þeir Víkingum, sem enduðu í 2. sæti deildarinnar og unnu sextán af átján leikjum sínum, verulega undir uggum. Víkingur vann að lokum í oddaleik en Hörður var búinn að koma sér á handboltakortið. Ísfirðingar nýttu sér meðbyrinn og fengu til sín fjóra sterka leikmenn í sumar; spænsku skyttuna Mikel Amilibia Arrista, ungverska horna- og miðjumanninn Levente Morvai og hina japönsku Sigeru Hikawa og Kenya Kasahara. Sá síðastnefndi mætti galvaskur til leiks til Ísafjarðar eftir að hafa spilað með japanska landsliðinu á Ólympíuleikunum í Tókýó. Ólympíufarinn Kenya Kasahara.getty/Dean Mouhtaropoulos Kasahara er reyndur kappi og lykilmaður í japanska landsliðinu sem hefur sótt í sig veðrið á undanförnum árum undir stjórn Dags Sigurðssonar. Arrista lék á sínum tíma fjölda leikja fyrir yngri landslið Spánar og Morvai þótti mikið efni. Ísfirðingar voru því ekki að kaupa köttinn í sekknum fyrir tímabilið. Fyrir hjá Herði voru þrír Lettar, Roland Lebedevs, Endijs Kusners og Guntis Pilpuks, og Argentínumaðurinn Tadeo Ulises Salduna. Til viðbótar við þessa erlendu leikmenn er lið Harðar byggt upp á heimastrákum eins og Jóni Ómari Gíslasyni, Þráni Ágústi Arnaldssyni, Daníel Wale Adeleye, Antoni Frey Traustasyni, Axel Sveinssyni, Ásgeiri Óla Kristjánssyni, Stefáni Frey Jónssyni og unglingalandsliðsmanninum Sudario Eidi Carneiro. Fyrirliði Harðar er Óli Björn Vilhjálmsson sem hefur spilað lengi fyrir vestan. Einn af lykilmönnunum í uppgangi Harðar er þjálfarinn Carlos Martin Santos en það urðu vatnaskil þegar hann var ráðinn til félagsins fyrir tveimur árum. Mikil ánægja er með störf Spánverjans fyrir vestan en auk þess að þjálfa meistaraflokk karla þjálfarar hann alla yngri flokka félagsins. Þjálfari Harðar, Carlos Martin Santos, ásamt Gunnari Inga Hákonarsyni.hörður Harðarmenn hafa einnig bætt í umgjörðina í kringum liðið, ráðið til sín styrktarþjálfara og fjárfest í tveimur litlum rútum sem félagið ferðast í útileikina. Mikið er um ferðalög hjá Harðarmönnum enda eru öll liðin í Grill 66 deildinni fyrir utan þá, ungmennalið Selfyssinga og Þórsara stödd á höfuðborgarsvæðinu. Handboltaáhuginn hefur aukist fyrir vestan og iðkendur í yngri flokkum Harðar eru um áttatíu talsins og forráðamenn félagsins stefna á að fjölga þeim. Sem fyrr sagði hefur Hörður unnið alla fimm leiki sína í Grill 66 deildinni og markmiðið er skýrt, að Ísafjörður eignist lið í efstu deild karla í handbolta í fyrsta sinn. Og miðað við byrjunina á tímabilinu er margt ólíklegra en að það gerist.
Íslenski handboltinn Ísafjarðarbær Hörður Mest lesið Marlena vann Bakgarðshlaupið: „Ég hljóp bara“ Sport Sólveig keppti ólétt og á leið í þungunarrof Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Marlena er sigurvegari Bakgarðshlaupsins Sport Keane segir Arteta að taka lyfin sín Enski boltinn Refsing fyrir að blóta gæti flýtt fyrir því að Verstappen hætti Formúla 1 Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira