Paul Pierce rekinn frá ESPN eftir partí með fatafellum

Um helgina fór myndband af Pierce í gleðskap ásamt fatafellum í dreifingu á samfélagsmiðlum. Pierce streymdi sjálfur frá partíinu á Instagram og myndbandið fór síðan eins og eldur um sinu um internetið.

Pierce hefur verið í stóru hlutverki hjá ESPN síðan hann lagði skóna á hilluna 2017. Hann hefur bæði verið í þáttunum The Jump og NBA Countdown.

ESPN hefur ekki tjáð sig um brotthvarf Pierce en hann sjálfur birti myndband af sér á Twitter þar sem hann var skellihlæjandi.

Pierce, sem er 43 ára, varð NBA-meistari með Boston 2008. Hann var þá valinn besti leikmaður lokaúrslitanna þar sem Boston vann Los Angeles Lakers, 4-3.

Pierce lék einnig með Brooklyn Nets, Washington Wizards og Los Angeles Clippers á nítján ára ferli í NBA.