Þrír leikmenn með fullkominn sóknarleik í síðustu umferð

HB Statz býður upp á tölfræði úr öllum leikjum Olís deildanna og samkvæmt tölfræðinni voru þrír leikmenn að skila fullkomnum sóknarleik í síðustu umferð.

Leikmennirnir sem fengu tíu voru Eyjamaðurinn Dagur Arnarsson, ÍR-ingurinn Sveinn Brynjar Agnarsson og Valsarinn Anton Rúnarsson. Dagur og Anton fengu líka tíu i heildareinkunn.

Dagur Arnarsson var með 8 mörk úr 10 skotum, 7 stoðsendingar, 12 sköpuð skotfæri og fjórar sendingar sem gáfu víti þegar ÍBV tapaði 30-33 á móti FH.

Sveinn Brynjar Agnarsson var með 10 mörk úr 11 skotum, eina stoðsendingu og ekkert mark úr vítakasti þegar ÍR taaðu 26-29 á heimavelli á móti Haukum.

Anton Rúnarsson var eð 13 mörk úr 16 skotum, 4 stoðsendingar, 5 sköpuð skotfæri og 6 sendingar sem gáfu víti þegar Valsmenn unu 30-21 sigur á Aftureldingu. Anton nýtti 7 af 8 vítaskotum sínum í leiknum.

Alls hafa níu leikmenn fengið tíu í einkunn fyrir sóknarleikinn sinn í vetur en Anton Rúnarsson varð í gær sá fyrsti til að fá tíu í annað skiptið.

Anton fékk einnig tíu fyrir frammistöðu sína í sigri á ÍR þar sem hann nýtti 8 af 9 skotum, gaf 7 stoðsendingar og fiskaði eitt víti.

Hinir sem hafa fengið tíu fyrir sóknarleik sinn í vetur eru Hákon Daði Styrmisson hjá ÍBV, Ásbjörn Friðriksson hjá FH, Magnús Óli Magnússon hjá Val, Andri Þór Helgason hjá Gróttu, Aki Egilsnes hjá KA og Ólafur Haukur Matthíasson hjá ÍR.

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.