Íslenski boltinn

Valur niður­lægði Grinda­vík, Blikar skoruðu fimm og Stjarnan vann tíu Skaga­menn

Anton Ingi Leifsson skrifar
Haukur Páll Sigurðsson og félagar rúlluðu yfir Grindavík í dag.
Haukur Páll Sigurðsson og félagar rúlluðu yfir Grindavík í dag. VÍSIR/HAG

Breiðablik og Valur unnu stórsigra á B-deildarliðunum Þrótti og Grindavík er liðin mættust í Lengjubikarnum í kvöld. Stjarnan vann svo 2-0 sigur á ÍA.

Breiðablik vann 5-0 sigur á Þrótti eftir að hafa verið 2-0 yfir í hálfleik. Blikarnir hafa því unnið tvo fyrstu leiki sína í riðli fjögur en Þróttarar eru með þrjú stig eftir tvo leiki.

Stjarnan vann svo 2-0 sigur á ÍA. Bæði mörk Stjörnunnar komu í fyrri hálfleik; 10. og 27. mínútu en Skagamenn voru einum manni færri frá 41. mínútu.

Stjarnan hefur unnið tvo fyrstu leiki sína en Skagamenn eru með þrjú stig eftir sigur á Selfoss í fyrsta leik sínum í Lengjubikarnum.

Valur rúllaði svo yfir Grindavík á Origo-vellinum. Lokatölur 8-1. Staðan var jöfn 1-1 eftir átta mínútur en Valsmenn bættu við þremur mörkum í fyrri hálfleik og fjórum í þeim síðari.

Valur er með sex stig eftir fyrstu tvo leikina en Grindavík er án stiga.

Úrslit eru fengin frá úrslit.net.

Breiðablik Valur Stjarnan ÍA Þróttur Reykjavík UMF Grindavík

Mest lesið


Fleiri fréttir

Sjá meira


×

Mest lesið