Sviss tekur sæti Bandaríkjanna sem hafa hætt við þátttöku á HM

Runólfur Trausti Þórhallsson skrifar 12. janúar 2021 21:30

Bandaríkin munu ekki taka þátt á HM í Egyptalandi. @olympicchannel

Bandaríska landsliðið hefur ákveðið að draga sig úr keppni á HM í handbolta sem hefst í Egyptalandi á morgun. Sviss kemur í stað þeirra.

Frá þessu var greint á vefsíðu Alþjóðahandknattleikssambandsins rétt í þessu.

Fyrr í dag var greint frá því að Tékkland hefði dregið sig úr keppni þar sem aðeins fjórir leikmenn liðsins væru ekki smitaðir af kórónuveirunni. Bandaríkin höfðu ætlað að taka þátt þrátt fyrir að stór meirihluti leikmanna hafi greinst með veiruna eins og greint var frá fyrr í dag.

Nú er ljóst að Bandaríkin munu ekki taka þátt á mótinu.

Sviss mun því koma þeirra í stað inn í E-riðil ásamt Noregi, Austurríki og Frakklandi.

Handbolti HM 2021 í handbolta Faraldur kórónuveiru (COVID-19) Sviss

Tengdar fréttir

Norður-Makedónía tekur sæti Tékklands á HM í handbolta

Alþjóða handknattleikssambandið, IHF, staðfesti nú rétt í þessu að Norður-Makedónía myndi taka sæti Tékklands á HM í handbolta eftir að síðarnefnda landið þurfti að draga sig úr keppni.

12. janúar 2021 18:18

Tékkar ekki með á HM vegna hópsmits

Tékkland hefur dregið sig úr keppni á heimsmeistaramótinu í handbolta karla í Egyptalandi vegna kórónuveirusmita í herbúðum liðsins.

12. janúar 2021 17:11

Átján smitaðir í bandaríska handboltalandsliðinu og aðeins tólf fara á HM

Hvorki fleiri né færri en átján leikmenn bandaríska karlalandsliðsins í handbolta eru með kórónuveiruna. Aðeins tólf leikmenn fara á HM í Egyptalandi en fyrsti leikur Bandaríkjanna á mótinu er gegn Austurríki á fimmtudaginn.

12. janúar 2021 10:46