Rannsaka hvort tölvupóstar séu hluti af upplýsingahernaði Rússa Kjartan Kjartansson skrifar 16. október 2020 23:31 Rudy Giuliani, persónulegur lögmaður Trump, hefur verið í miklum samskiptum við menn í Úkraínu þar sem hann hefur reynt að grafa upp skaðlegar upplýsingar um Biden. Hvíta húsið var varað við því í fyrra að rússneskir útsendarar reyndu að notfæra sér Giuliani til að dreifa fölskum upplýsingum. AP/Jacqueline Larma Bandaríska alríkislögreglan FBI er sögð rannsaka hvort að tölvupóstar sem persónulegur lögmaður Donalds Trump Bandaríkjaforseta lét götublaði í té séu hluti af upplýsingahernaði Rússa í aðdraganda kosninga í næsta mánuði. Trump og Hvíta húsið var varað við því í fyrra að lögmaðurinn gæti verið peð í tafli Rússa. New York Post, götublað í eigu Ruperts Murdoch, birti umfjöllun sem það sagði byggja á tölvupóstum úr tölvu Hunters Biden, sonar Joe Biden, forsetaframbjóðanda Demókrataflokksins, í vikunni. Póstarnir ættu að benda til spillingar Biden-feðganna. Rudy Giuliani, persónulegur lögmaður Trump forseta, afhenti blaðinu harðan disk með póstunum og myndum sem eiga að vera úr tölvu Hunter Biden. AP-fréttastofan hefur nú eftir heimildarmanni sínum að FBI rannsaki nú málið og hvort að það tengist mögulegri áhrifaherferð rússneskra stjórnvalda. Talsmaður FBI vildi ekki staðfesta það og vísaði til þess að stofnunin legði það ekki vana sinn að staðfesta eða neita því að rannsóknir væru í gangi. Rússar beittu ýmsum brögðum til þess að hafa áhrif á forsetakosningarnar árið 2016, þar á meðal með upplýsingahernaði á samfélagsmiðlum og með því að stela tölvupóstum demókrata og leka þeim í gegnum Wikileaks. Leyniþjónustustofnanir Bandaríkjanna vöruðu Hvíta húsið við því að rússneskir útsendarar notfærðu sér Giuliani til að miðla fölskum upplýsingum og áróðri til Trump forseta í fyrra. Þjóðaröryggisráðgjafi Hvíta hússins ræddi viðvöruna við Trump forseta sem er sagður hafa látið sér fátt um finnast. Segir gögnin „ósvikin eins og andskotinn“ Stórt spurningarmerki hefur verið sett við meintan uppruna gagnanna sem Giuliani lét New York Post fá og er frásögn blaðsins af honum með nokkrum ólíkindum. Giuliani á að hafa fengið harðan disk úr fartölvu Hunters Biden frá eiganda tölvuverkstæðis í Delaware, heimaríki Biden, í fyrra. Eigandinn segist sjóndapur og gat því ekki fullyrt með vissu að tölvan væri í eigu sonar fyrrverandi varaforsetans en ályktaði það út frá límmiða á tölvunni með merki sjóðs til minningar um Beau Biden, látinn bróður Hunter. Tölvan hafi aldrei verið sótt og eigandi hafi þá látið lögmann Giuliani fá afrit af harða disknum áður en hann afhenti hana alríkislögreglunni. Á harða disknum eiga að hafa verið tölvupóstar og myndir. Einn póstanna á að vera frá stjórnarmanni í úkraínska orkufyrirtækinu Burisma sem þakkar Hunter Biden fyrir að koma á fundi með Joe Biden, þá varaforseta Bandaríkjanna. Hunter Biden var stjórnarmaður í Burisma frá 2014 til 2019 en hluta þess tíma rak faðir hans utanríkisstefnu Bandaríkjastjórnar gagnvart Úkraínu. New York Post sagði þann póst „rjúkandi byssu“ sem sýndi fram á að Biden hefði ekki sagt satt um að hann hefði aldrei rætt við son sinn um umsvif hans í Úkraínu. Ekkert kom þó fram í umfjölluninni um að fundur með úkraínska stjórnarmanninum hefði raunverulega átt sér stað. Þá hefur ekki verið staðfest að póstarnir séu ósviknir eða hvort þeim hafi mögulega verið stolið í tölvuinnbroti, að sögn AP-fréttastofunnar. Giuliani hefur ekki viljað afhenda öðrum fjölmiðlum harða diskinn en hann fullyrti í viðtali á Fox News í dag að gögnin væru „ósvikin eins og andskotinn“. Framboð Biden og embættismenn sem hann vann með að málefnum Úkraínu á sínum tíma hafa þvertekið fyrir að varaforsetinn hafi hitt stjórnarmanninn eða að þeir könnuðust yfir höfuð við hann. Hunter Biden hefur áður sagt að það hafi verið dómgreindarleysi af sér að sitja í stjórn Burisma á sama tíma og faðir hans rak stefnu Bandaríkjastjórnar í Úkraínu. Hunter Biden, sonur Joe Biden, sat í stjórn úkraínska orkufyrirtækisins Burisma á sama tíma og faðir hans rak stefnu Baracks Obama Bandaríkjaforseta gagnvart Austur-Evrópulandinu.Vísir/Getty Stoðlausar og lífseigar spillingarásakanir Trump forseti og Giuliani hafa haldið fram af krafti stoðlausum ásökunum um að Biden hafi sem varaforseti beitt sér til að gæta hagsmuna sonar síns í Úkraínu. Sérstaklega vísa þeir á að Biden hafi tekið þátt í að þrýsta á ríkisstjórn Petros Porosjenkó, þáverandi forseta Úkraínu, um að reka ríkissaksóknara landsins. Það fullyrða Trump og Giuliani að Biden hafi gert vegna þess að saksóknaraembættið hafi verið með Burisma til rannsóknar. Þær ásakanir eiga sér enga stoð í raunveruleikanum. Engin rannsókn á Burisma var í gangi hjá ríkissaksóknaranum þegar Biden þrýsti á um brottrekstur Viktors Sjokín, úkraínska saksóknarans. Bandaríkjastjórn, önnur vestræn ríki og alþjóðlegar stofnanir þrýstu á um að hann yrði rekinn þar sem þau töldu að Sjokín væri sjálfur spilltur og drægi lappirnar í að uppræta landlæga spillingu, þar á meðal með því að rannsaka ekki Burisma sem var meðal annars sakað um peningaþvætti. Biden rak þar opinbera stefnu Bandaríkjastjórnar sem var ekki leyndarmál á þeim tíma. Hún naut meðal annars stuðnings þingmanna Repúblikanaflokks Trump. Það stöðvaði Trump og Giuliani þó ekki í að reyna að snúa upp á höndina á Volodýmýr Zelenskíj, þá nýkjörnum forseta Úkraínu, um að rannsaka Burisma og Biden-feðgana í fyrra. Reyndu þeir að skilyrða hernaðaraðstoð Bandaríkjastjórnar við að Zelenskíj gerði Trump þann pólitíska greiða. Biden var þá talinn líklegasta forsetaefni demókrata. Fulltrúadeild Bandaríkjaþings kærði Trump fyrir embættisbrot vegna þrýstingsherferðarinnar gegn Úkraínu í fyrra. Öldungadeildin sýknaði forsetann af kærunum í febrúar. Sumir repúblikanar á Bandaríkjaþingi hafa reynt að halda ásökunum á hendur Biden á lofti áfram á þessu ári. Heimavarnanefnd öldungadeildarinnar rannsakaði málið en fann engar sannanir fyrir því að Biden hefði gert nokkuð saknæmt eða látið annarlega hvatir stýra samskiptum sínum við úkraínsk stjórnvöld í síðasta mánuði. Giuliani virðist ekki hafa látið nefndinni harða diskinn í té þrátt fyrir að hann hafi verið í fórum hans um margra mánaða skeið. Forsetakosningar í Bandaríkjunum Bandaríkin Donald Trump Úkraína Rússland Ákæruferli þingsins gegn Trump Tengdar fréttir Vöruðu Hvíta húsið við því að Rússar væru að nota Giuliani Leyniþjónustur Bandaríkjanna vöruðu Hvíta húsið við því í fyrra að ráðamenn í Rússlandi væru að nota Rudy Giuliani, einkalögmann Donald Trump, forseta, til að miðla fölskum upplýsingum og áróðri til forsetans. 16. október 2020 09:24 Facebook og Twitter skipta sér af vafasamri frétt um Biden Samfélagsmiðlarisarnir Facebook og Twitter takmörkuðu deilingar á vafasamri frétt bandarísks götublaðs um Joe Biden, forsetaframbjóðanda Demókrataflokksins, í dag. Talsmaður Facebook segir miðilinn hægja á dreifingu fréttarinnar á meðan staðreyndavaktarar meti sannleiksgildi hennar. 14. október 2020 21:14 Mest lesið Stafræn skírteini hætta í símaveskjum Innlent Slævandi lyf og lágt sætisbak dráttarvélar orsakir banaslyss Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Íbúar leiti réttar síns vegna flautsins: „Þetta er lýðheilsuógn“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Framtíð kirkjunnar enn óráðin Innlent Reyna að stilla til friðar með símtali Erlent Ásthildur Lóa skammar þingheim Innlent Eldar loguðu í Kænugarði eftir umfangsmiklar árásir Rússa Erlent Fleiri fréttir Klóra sér í kollinum yfir stórri reikistjörnu á braut um litla stjörnu Reyna að stilla til friðar með símtali Dæmdur í 21 árs fangelsi fyrir að nauðga tugum skjólstæðinga Bras á breska Umbótaflokknum þrátt fyrir velgengnina Brotlentu öðru einkafari á tunglinu Fyrirsjáanlegar deilur: Valdamesti maður heims og sá ríkasti hnakkrífast Eldar loguðu í Kænugarði eftir umfangsmiklar árásir Rússa Segir nafn Trumps vera í Epstein-skjölunum Trump segist „mjög vonsvikinn“ út í Elon og ekki viss um að þeir geti átt gott samband Ákærð fyrir að myrða táning en líkið enn ófundið Sagður verulega ósáttur við gagnrýni Musks Fíll ruddist inn í matvöruverslun Bannar nú erlenda nemendur í Harvard á grunni þjóðaröryggis Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Sjá meira
Bandaríska alríkislögreglan FBI er sögð rannsaka hvort að tölvupóstar sem persónulegur lögmaður Donalds Trump Bandaríkjaforseta lét götublaði í té séu hluti af upplýsingahernaði Rússa í aðdraganda kosninga í næsta mánuði. Trump og Hvíta húsið var varað við því í fyrra að lögmaðurinn gæti verið peð í tafli Rússa. New York Post, götublað í eigu Ruperts Murdoch, birti umfjöllun sem það sagði byggja á tölvupóstum úr tölvu Hunters Biden, sonar Joe Biden, forsetaframbjóðanda Demókrataflokksins, í vikunni. Póstarnir ættu að benda til spillingar Biden-feðganna. Rudy Giuliani, persónulegur lögmaður Trump forseta, afhenti blaðinu harðan disk með póstunum og myndum sem eiga að vera úr tölvu Hunter Biden. AP-fréttastofan hefur nú eftir heimildarmanni sínum að FBI rannsaki nú málið og hvort að það tengist mögulegri áhrifaherferð rússneskra stjórnvalda. Talsmaður FBI vildi ekki staðfesta það og vísaði til þess að stofnunin legði það ekki vana sinn að staðfesta eða neita því að rannsóknir væru í gangi. Rússar beittu ýmsum brögðum til þess að hafa áhrif á forsetakosningarnar árið 2016, þar á meðal með upplýsingahernaði á samfélagsmiðlum og með því að stela tölvupóstum demókrata og leka þeim í gegnum Wikileaks. Leyniþjónustustofnanir Bandaríkjanna vöruðu Hvíta húsið við því að rússneskir útsendarar notfærðu sér Giuliani til að miðla fölskum upplýsingum og áróðri til Trump forseta í fyrra. Þjóðaröryggisráðgjafi Hvíta hússins ræddi viðvöruna við Trump forseta sem er sagður hafa látið sér fátt um finnast. Segir gögnin „ósvikin eins og andskotinn“ Stórt spurningarmerki hefur verið sett við meintan uppruna gagnanna sem Giuliani lét New York Post fá og er frásögn blaðsins af honum með nokkrum ólíkindum. Giuliani á að hafa fengið harðan disk úr fartölvu Hunters Biden frá eiganda tölvuverkstæðis í Delaware, heimaríki Biden, í fyrra. Eigandinn segist sjóndapur og gat því ekki fullyrt með vissu að tölvan væri í eigu sonar fyrrverandi varaforsetans en ályktaði það út frá límmiða á tölvunni með merki sjóðs til minningar um Beau Biden, látinn bróður Hunter. Tölvan hafi aldrei verið sótt og eigandi hafi þá látið lögmann Giuliani fá afrit af harða disknum áður en hann afhenti hana alríkislögreglunni. Á harða disknum eiga að hafa verið tölvupóstar og myndir. Einn póstanna á að vera frá stjórnarmanni í úkraínska orkufyrirtækinu Burisma sem þakkar Hunter Biden fyrir að koma á fundi með Joe Biden, þá varaforseta Bandaríkjanna. Hunter Biden var stjórnarmaður í Burisma frá 2014 til 2019 en hluta þess tíma rak faðir hans utanríkisstefnu Bandaríkjastjórnar gagnvart Úkraínu. New York Post sagði þann póst „rjúkandi byssu“ sem sýndi fram á að Biden hefði ekki sagt satt um að hann hefði aldrei rætt við son sinn um umsvif hans í Úkraínu. Ekkert kom þó fram í umfjölluninni um að fundur með úkraínska stjórnarmanninum hefði raunverulega átt sér stað. Þá hefur ekki verið staðfest að póstarnir séu ósviknir eða hvort þeim hafi mögulega verið stolið í tölvuinnbroti, að sögn AP-fréttastofunnar. Giuliani hefur ekki viljað afhenda öðrum fjölmiðlum harða diskinn en hann fullyrti í viðtali á Fox News í dag að gögnin væru „ósvikin eins og andskotinn“. Framboð Biden og embættismenn sem hann vann með að málefnum Úkraínu á sínum tíma hafa þvertekið fyrir að varaforsetinn hafi hitt stjórnarmanninn eða að þeir könnuðust yfir höfuð við hann. Hunter Biden hefur áður sagt að það hafi verið dómgreindarleysi af sér að sitja í stjórn Burisma á sama tíma og faðir hans rak stefnu Bandaríkjastjórnar í Úkraínu. Hunter Biden, sonur Joe Biden, sat í stjórn úkraínska orkufyrirtækisins Burisma á sama tíma og faðir hans rak stefnu Baracks Obama Bandaríkjaforseta gagnvart Austur-Evrópulandinu.Vísir/Getty Stoðlausar og lífseigar spillingarásakanir Trump forseti og Giuliani hafa haldið fram af krafti stoðlausum ásökunum um að Biden hafi sem varaforseti beitt sér til að gæta hagsmuna sonar síns í Úkraínu. Sérstaklega vísa þeir á að Biden hafi tekið þátt í að þrýsta á ríkisstjórn Petros Porosjenkó, þáverandi forseta Úkraínu, um að reka ríkissaksóknara landsins. Það fullyrða Trump og Giuliani að Biden hafi gert vegna þess að saksóknaraembættið hafi verið með Burisma til rannsóknar. Þær ásakanir eiga sér enga stoð í raunveruleikanum. Engin rannsókn á Burisma var í gangi hjá ríkissaksóknaranum þegar Biden þrýsti á um brottrekstur Viktors Sjokín, úkraínska saksóknarans. Bandaríkjastjórn, önnur vestræn ríki og alþjóðlegar stofnanir þrýstu á um að hann yrði rekinn þar sem þau töldu að Sjokín væri sjálfur spilltur og drægi lappirnar í að uppræta landlæga spillingu, þar á meðal með því að rannsaka ekki Burisma sem var meðal annars sakað um peningaþvætti. Biden rak þar opinbera stefnu Bandaríkjastjórnar sem var ekki leyndarmál á þeim tíma. Hún naut meðal annars stuðnings þingmanna Repúblikanaflokks Trump. Það stöðvaði Trump og Giuliani þó ekki í að reyna að snúa upp á höndina á Volodýmýr Zelenskíj, þá nýkjörnum forseta Úkraínu, um að rannsaka Burisma og Biden-feðgana í fyrra. Reyndu þeir að skilyrða hernaðaraðstoð Bandaríkjastjórnar við að Zelenskíj gerði Trump þann pólitíska greiða. Biden var þá talinn líklegasta forsetaefni demókrata. Fulltrúadeild Bandaríkjaþings kærði Trump fyrir embættisbrot vegna þrýstingsherferðarinnar gegn Úkraínu í fyrra. Öldungadeildin sýknaði forsetann af kærunum í febrúar. Sumir repúblikanar á Bandaríkjaþingi hafa reynt að halda ásökunum á hendur Biden á lofti áfram á þessu ári. Heimavarnanefnd öldungadeildarinnar rannsakaði málið en fann engar sannanir fyrir því að Biden hefði gert nokkuð saknæmt eða látið annarlega hvatir stýra samskiptum sínum við úkraínsk stjórnvöld í síðasta mánuði. Giuliani virðist ekki hafa látið nefndinni harða diskinn í té þrátt fyrir að hann hafi verið í fórum hans um margra mánaða skeið.
Forsetakosningar í Bandaríkjunum Bandaríkin Donald Trump Úkraína Rússland Ákæruferli þingsins gegn Trump Tengdar fréttir Vöruðu Hvíta húsið við því að Rússar væru að nota Giuliani Leyniþjónustur Bandaríkjanna vöruðu Hvíta húsið við því í fyrra að ráðamenn í Rússlandi væru að nota Rudy Giuliani, einkalögmann Donald Trump, forseta, til að miðla fölskum upplýsingum og áróðri til forsetans. 16. október 2020 09:24 Facebook og Twitter skipta sér af vafasamri frétt um Biden Samfélagsmiðlarisarnir Facebook og Twitter takmörkuðu deilingar á vafasamri frétt bandarísks götublaðs um Joe Biden, forsetaframbjóðanda Demókrataflokksins, í dag. Talsmaður Facebook segir miðilinn hægja á dreifingu fréttarinnar á meðan staðreyndavaktarar meti sannleiksgildi hennar. 14. október 2020 21:14 Mest lesið Stafræn skírteini hætta í símaveskjum Innlent Slævandi lyf og lágt sætisbak dráttarvélar orsakir banaslyss Innlent Fær bætur 45 árum eftir föðurmissinn: „Varð eiginlega tíu ára aftur“ Innlent Dæmdur í 21 árs fangelsi fyrir að nauðga tugum skjólstæðinga Erlent Íbúar leiti réttar síns vegna flautsins: „Þetta er lýðheilsuógn“ Innlent Fyrirsjáanlegar deilur: Valdamesti maður heims og sá ríkasti hnakkrífast Erlent Framtíð kirkjunnar enn óráðin Innlent Reyna að stilla til friðar með símtali Erlent Ásthildur Lóa skammar þingheim Innlent Eldar loguðu í Kænugarði eftir umfangsmiklar árásir Rússa Erlent Fleiri fréttir Klóra sér í kollinum yfir stórri reikistjörnu á braut um litla stjörnu Reyna að stilla til friðar með símtali Dæmdur í 21 árs fangelsi fyrir að nauðga tugum skjólstæðinga Bras á breska Umbótaflokknum þrátt fyrir velgengnina Brotlentu öðru einkafari á tunglinu Fyrirsjáanlegar deilur: Valdamesti maður heims og sá ríkasti hnakkrífast Eldar loguðu í Kænugarði eftir umfangsmiklar árásir Rússa Segir nafn Trumps vera í Epstein-skjölunum Trump segist „mjög vonsvikinn“ út í Elon og ekki viss um að þeir geti átt gott samband Ákærð fyrir að myrða táning en líkið enn ófundið Sagður verulega ósáttur við gagnrýni Musks Fíll ruddist inn í matvöruverslun Bannar nú erlenda nemendur í Harvard á grunni þjóðaröryggis Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Sjá meira
Vöruðu Hvíta húsið við því að Rússar væru að nota Giuliani Leyniþjónustur Bandaríkjanna vöruðu Hvíta húsið við því í fyrra að ráðamenn í Rússlandi væru að nota Rudy Giuliani, einkalögmann Donald Trump, forseta, til að miðla fölskum upplýsingum og áróðri til forsetans. 16. október 2020 09:24
Facebook og Twitter skipta sér af vafasamri frétt um Biden Samfélagsmiðlarisarnir Facebook og Twitter takmörkuðu deilingar á vafasamri frétt bandarísks götublaðs um Joe Biden, forsetaframbjóðanda Demókrataflokksins, í dag. Talsmaður Facebook segir miðilinn hægja á dreifingu fréttarinnar á meðan staðreyndavaktarar meti sannleiksgildi hennar. 14. október 2020 21:14