Nýr veruleiki knattspyrnuliða úti í heimi er að spila leiki sína án áhorfenda og það virðist koma niður á heimaliðunum.
Heimavöllurinn á að vera vígi hvers fótboltaliðs en auðvitað spila stuðningsmenn liðanna þar stórt hlutverki. Mikilvægi stuðningsmanna heimaliðanna sést kannski á úrslitum úr þýsku Bundesligunni um helgina.
Heimaliðin unnu aðeins einn leik af níu í fyrstu umferð þýsku fótbolta deildarinnar eftir COVID-19 hléið.
Borussia Dortmund were the only home team to win in the Bundesliga's return
— B/R Football (@brfootball) May 18, 2020
Host teams in front of no fans: W1 D3 L5 pic.twitter.com/2WIkspskHl
Eina liðið sem vann sinn heimaleik var lið Borussia Dortmund en og félagar áttu ekki í miklum vandræðum með Schalke 04 og unnu öruggan 4-0 sigur.
Öll hin átta heimaliðin náðu aftur á móti aðeins að skora samtals sex mörk í sínum leikjum og ekkert þeirra fagnaði sigri. Uppskeran var aðeins þrjú stig af 24 mögulegum eða aðeins þrettán prósent stiga í boði.
Þess í stað unnu fimm útilið sína leiki en það voru Hertha Berlin, Wolfsburg, Borussia M'gladbach, Bayern München og Bayer Leverkusen. Útiliðin skoruðu alls sautján mörk gegn sex í þessum átta leikjum.
Úslit leikja í endurkomu þýsku deildarinnar um helgina:
- Borussia Dortmund - Schalke 04 4-0
- RB Leipzig - Freiburg 1-1
- Hoffenheim - Hertha BSC 0-3
- Fortuna Dusseldorf - Paderborn 0-0
- Augsburg - Wolfsburg 1-2
- Eintracht Frankfurt - Borussia M'gladbach 1-3
- Köln - Mainz 05 2-2
- Union Berlin - Bayern München 0-2
- Werder Bremen - Bayer Leverkusen 1-4