Í beinni í dag: Ellefu beinar út­sendingar frá fimm mis­munandi í­þrótta­greinum

Það ættu allir að geta fundið eitthvað við sitt hæfi á sportrásum Stöðvar 2 en alls eru ellefu beinar útsendingar á sportrásunum í dag.

Dagurinn hefst með Turkish Airlines Open en það er ekki eina golfmótið sem er í beinni í dag því klukkan 02.30 hefst útsending frá TOTO Japan meistaramótinu.

Nottingham Forest og Derby mætast í ensku B-deildinni í hádeginu. Tvö ástríðulið en Forrest er í 5. sætinu á meðan Derby hefur verið í vandræðum. Þeir sitja í 15. sætinu.

KR og Haukar mætast í Dominos-deild kvenna en liðin eru í 2. og 3. sætinu. Bæði liðin reyna að elta Val sem er með fullt hús stiga eftir umferðirnar sex sem búnar eru.

Tveir leikir úr ítalska boltanum og tveir leikir úr spænska boltanum verða í beinni í dag en bæði Barcelona og Real Madrid verða í eldlínunni sem og Inter Milan.

UFC er á sínum stað en það verður flott bardagakvöld sem fer af stað klukkan 19.00.

Við verðum einnig í beinni úr TM-höllinni þar sem verður tvíhöfði. Stjarnan og Haukar mætast í Olís-deild kvenna en Stjarnan er í 3. sætinu á meðan Haukar eru í 6. sætinu.

Klukkan 20.05 hefst útsending frá karlaleiknum en þar mætast Stjarnan og Fram. Garðabæjarliðið hefur verið í miklum vandræðum. Liðið með fjögur stig í 11. sætinu en Fram í 9. sætinu með sex stig.

Allar beinar útsendingar dagsins sem og útsendingar næstu daga má sjá hér.

Beinar útsendingar í dag:

08.00 Turkish Airlines Open (Stöð 2 Golf)

12.25 Nottingham Forest - Derby (Stöð 2 Sport)

16.50 KR - Haukar (Stöð 2 Sport 4)

16.55 Inter - Hellas Verona (Stöð 2 Sport 3)

17.25 Eibar - Real Madrid (Stöð 2 Sport)

17.50 Stjarnan - Haukar (Stöð 2 Sport 2)

19.00 UFC Fight Night: Zabit vs Kattar (Stöð 2 Sport 3)

19.40 Napoli - Genoa (Stöð 2 Sport 4)

19.55 Barcelona - Celta Vigo (Stöð 2 Sport)

20.05 Stjarnan - Fram (Stöð 2 Sport 2)

02.30 TOTO Japan meistaramótið (Stöð 2 Golf)