NBA parket í Ólafssal

Haukar tóku í kvöld í notkun nýjan körfuboltasal sem er sérhannaður í kringum körfubolta.

Ólafssalur er nefndur eftir Ólafi Rafnssyni, fyrrum formanni ÍSÍ, FIBA Europe og körfuknattleikssambandsins.

„Þetta var byggt í kringum körfuboltavöll og er hannað alveg sem slíkur,“ sagði Bragi Magnússon, formaður körfuknattleiksdeildar Hauka, í kvöldfréttum Stöðvar 2 í kvöld.

„Þetta er alvöru NBA parket og er bara tekið eins langt og hægt er.“

Haukar mættu Þór Akureyri í fyrsta leik í Domino's deild karla í kvöld. Haukar unnu þægilegan 105-84 sigur í fyrsta leiknum í Ólafssal.